KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Proyekto Ban Komuniká

WILLEMSTAD – Minister di enseñansa, siensia, kultura i deporte (ESKD) sr. Sithree van Heydoorn a bishitá i presensiá e hóbennan di Fundashon Mangusá su obra: Ban Komuniká ku Tula na e bunita bario di Flip.
Fundashon Mangusá a kuminsá komo un grupo folklóriko kultural fundá pa sra. Beatrix Muzo Francisco i esposo na aña 1971. E meta tabata pa siña hòbenan di Bandabou, prinsipalmente esunan di Flip i Santa Martha historia i bailenan folklóriko. Komo ku e tempu ei tabatatin hopi mucha ku no tabata bai skol e meta a kambia i bira prinisplamennte pa yuda ku desarouo edukashonal, sosial, kultural i formashon di e mucha, hóben i famia. Asina durante di tempu a logra vários proyekto pa e hendenan di e barionan di Bandabou.
E hóbennan di e proyekto Ban Komuniká a keda guiá pa direktora di e fundashon sra.Gerda Gosepa. Sra. Jahaira Muzo guiadó di proyektonan, Survienneley Servani lider di e hóbennan pa e proyekto Ban Komuniká. Sr. Alvin Inecia (Tio Ali) produktor di e obra ‘Ban Komuniká ku Tula’. Tambe tin e boluntarionan: sra. Charline Bulo i sra. Nancy Gustina ku ta forma pati di e tim di guiansa. Miembronan di direktiva di e fundashon: sr. Ceasar Delanooi, sra. Philomena Kelie Ruiter i sr. Edgar Muzo tambe ta forma parti integral.
E proyekto Ban Komuniká ta un proyekto pa informá i forma hobennan entre 13 pa 18 aña ku enfasis riba fortifikashon di e albilidat di komunikashon positivo, komo e yabi pa desaroyo personal i kolektivo. Dos punto prinsipal di enfoke ta: pa e hóben por trese su opinion i pa e hóben por siña buska informashon korekto i forma su mes opinion. Den e kuadro aki e hóbennan a bishitá parlamento i invitá Minister enkargá ku enseñansa pa bin serka nan na nan Sentro Sablika na Flip.
E hóbennan ku ta forma parti di e proyekto: “Ban Komuniká”: Dignaira Monte, Curshel Monte, Tshaun Djaoen, Adelsenny Djaoen, Angely Scoop, Su-Emmy Rosalia, Shurimar Bonafacia, Jurviendel Bonafacia, Tyshainy Bonafacia, Tiangylie Jansen, Urvienne Streden, Urdy-Ann Streden, i Tairickson Hooi.
Minister Sithree van Heydoorn a keda hopi kontentu ku e bishita na sentro Sablika na flip i a sinti’é na kas den e ambiente di e Fundashon Mangusá. A la bes Minister a felisitá tur e hóbennan i e lidernan ku e tremendo proyekto: Ban Komuniká i priminití e hóbennan di bai hasi su mólsimo esfuerso pa e hóbenan por presentá e obra: Ban Komunikaá ku Tula den e dianan 1/2 yüli awor riba Plaza Brion.
639114718427035"
639114718427035"