KOMUNIKADO DI PRENSA 179/2024.
10 aprel 2024.

Kontròl di tráfiko.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 9 di aprel 2024, personal di warda di polis Otrobanda konhuntamente ku personal
di U.S.T., Punda, Montaña i Ministerio Públiko a tene kòntròl di Tráfiko entre 09.30’or pa
10.45’or riba Pater Euwensweg i Weg naar Westpunt na altura di hòfi Bill.
Seguidamente entre 11.00’or pa 12.15’or e tim ariba menshoná konhuntamente ku
departamentu di Tráfiko a tene un kontròl dirigí riba velosidat haltu riba Nijlweg.
A kontrolá un total di 159 vehíkulo i a repartí 32 prosès verbal pa velosidat haltu i 47
prosès verbal pa siguiente infrakshonnan:
Manehá un vehíkulo sin:
 Reibeweis;
 Karchi di kùr bálido;
 Faha di seguridat bistí;
 Seguro bálido;
Manehá un vehíkulo :
 Ku winshil di plak.
Tres vehíkulo a keda transportá ku kran.
E personal di Ministerio Públiko durante di e kòntròl aki a kobrá mas ku fl. 2800 na but.
E kòntròlnan aki ta kontinuá.