Delegashon di Reclassering Kòrsou ta partisipá na Kongreso Mundial na Den Haag

Delegashon di Reclassering Kòrsou ta partisipá na Kongreso Mundial na Den Haag

Awe a ranka sali e di 6 edishon di e Kongreso Mundial di Reclassering “Probation and Parole” ku e
biaha aki ta tuma lugá na Den Haag, Hulanda. E kongreso ta konta ku partisipashon di mas ku 500
trahadó di reclassering for di mas ku 60 diferente pais rònt mundu. Durante tres dia e grupo grandi
ku ta forma parti di e mundu di resosialisashon tin oportunidat pa kompartí eksperiensia ku
koleganan di e diferente kontinentenan di mundu i siña di otro.
Minister di Hustisia, mr. Shalten Hato den su plan di maneho a hasi posibel pa dos kolega di UO
Reclassering ta na Hulanda pa kompartí, eksplorá, inspirá i enrikesé nan konosementu den e área di
resosialisashon. Ta e intenshon ku na momentu ku e koleganan aki regresá Kòrsou, nan lo traspasá e
konosementu atkerí na otro koleganan pa huntu fortifiká trabounan sosial ku UO Reclassering ta hasi
riba un base diario. Di e forma aki ta invertí den konosementu pa sigui desaroyá i traha pa un
komunidat mas sigur.0