Dia 16 aprel 2024 a tuma lugá na hermana Isla Boneiru un enkuentro di e 4 paisnan di Reino (Vierlanden overleg) riba e área di aviashon i marítimo.

Prome Minister Gilmar Pik Pisas

Dia 16 aprel 2024 a tuma lugá na hermana Isla Boneiru un enkuentro di e 4 paisnan di Reino (Vierlanden overleg) riba e área di aviashon i marítimo.
Promé minister, señor Gilmar Pisas, den kalidat di Minister di Tráfiko, Transporte i Planifikashon Urbano suplente a reuní ku Minister di Infrastruktura i Awa, señor Mark Harbers (NL), Minister di Transporte, Komunikashon i Sektor Primario, señor Ursell Arends (AUA) i Minister di Turismo, Ekonomia, Transporte i Telekominikashon, señor Arthur Lambriex (SXM). Durante di e reunionnan tabata tei presente tambe tur outoridat i eksperto kompetente riba e área di aviashon i marítimo di tur e 4 paisnan.
E temanan prinsipal ku a bini dilanti ta asuntunan ku ta regarda seguridat di trafiko aéreo i marítimo. Den e último dianan e ekspertonan a reuni pa asina kaba di traha riba e ‘corretive action’ pa manda na Internashonal Maritime Organization (IMO). E plan aki a ser elaborá pa asina bin ku un plan mas detayá ku un planifikashon di e akshonnan ku mester tuma pa asina por kumpli na un manera struktural ku e obligashonnan internashonal di aviashon i seguridat marítimo. E akshonnan aki ta sumamente importante pa nan tuma lugá mirando ku tin audit nan, manera esun di ICAO ku lo wòrdu hasi den añanan ku ta bini. Si nos no duna un bon prestashon ta henter Reino Hulandes ta haña un mal kalifikashon.
E mandatarionan a yega na konsenso i lo sigui traha huntu i tambe lo presentá e desishonnan ku a tuma durante di e reunionnan na otro ministerionan ku tambe lo mester forma parti di e akshonnan ku mester tuma lugá.