Salubridat Públiko dia 27 di aprel 2024 ta presente na Simadan di Shon Cain

Riba djasabra 27 di aprel 2024 departamento di Salubridat Públiko den oranan di mainta ta presente na Simadan di Shon Cain. Einan empleadonan di e departamento tin un stènt ku reseta i tep pa kuminda dushi i saludabel. Durante e mainta akí Salubridat Públiko ta lansa kuater reseta sorprendente pa maishi chikí. Parti mainta e kòki Saeed Lourens di Nature Cooking School ta duna demostrashon di algun reseta saludabel. LVV tambe ta presente ku entre otro un stènt ku mata.