KOMUNIKADO DI PRENSA 208/2024
29 aprel 2024

Detenshon relashoná ku violashon di lei di LTU

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 29 di aprel 2024, alrededor di 03.16’or, sentral di polis a dirigí un unidat di Rio
Canario pa un aksidente di outo riba Blanquillaweg.
Na yegada di e unidat el a bin topa ku un hòmber ku a dal den un palu di lus.
E shofùr tabatin herida na su rudia robes i na su kabes.
Kontinando ku e investigashon polis a bai na un kontròl riba e shofùr i e okupante i a resultá
ku e hòmbernan akí ta permanesé ilegal riba nos isla.
Na e sítio polis a detené e hòmbernan R.E.R.G. di 43 aña di edat i F.de.J.S.G. di 25 aña di
edat ambos nasé na Venezuela, en konekshon ku violashon di lei di Atmishon i Ekspulshon
(LTU).
A entregá e duo na Departamento di Imigrashon. F.de.J.S.G. a keda lagá den libertat bou di
kondishon ku e mester mèldu i R.E.R.G. a keda enkarselá pendiente di su deportashon.