MANTENSHON DI DIFERENTE KAMINDA TA KUMINSÁ
MINISTERIO KONSERNÍ TRÁFIKO, TRANSPORTE I PLANIFIKASHON URBANO
MANTENSHON DI DIFERENTE KAMINDA TA KUMINSÁ
PUBLIKÁ RIBA 03 MEI 2024
Willemstad – Minister Charles Cooper huntu ku OW a firma 6 karta di trabou ‘opdrachtbrief’ riba djabièrnè 3 di mei. Esaki pa kuminsá di 6 proyekto di mantenshon di kaminda, kualnan ta:
1) Don Martina Boulevard Oost (Nieuwe Haven),
2) Kaya Aura Winkel, Warahamaweg, i Wanapaweg,
3) Oude Weg naar Westpunt for di Schottegatweg West te ku Peruweg,
4) Kaminda Duvert Boy Nicolina for di Caracasbaaiweg te ku Kaya Titario,
5) Koraalspechtweg,
6) Mayasweg, Guaranieweg, i Mokihanenweg.
Minister Charles Cooper huntu ku Servisio pa Obra Públiko ta sigui traha! Huntu a bin ta drecha Kòrsou su infrastruktura, inkluso mantenshon di diferente kaminda, lusnan di tráfiko, kayanan elevá, pone ‘cat-eyes’, i hopi mas. Lo sigui hasi esaki den transkurso di e periodo benidero. Tin mas proyekto den preparashon.
Minister Cooper huntu ku OW ta hasi un apelashon na nos pueblo pa tene kuenta ku tin trabounan tumando lugá:
- kore ku koutela,
- sali kas un poko mas trempan,
- respetá reglanan di tráfiko i desviashonnan, i
- ban poko poko riba kaminda.
E trabounan aki ta kontribuí na mehora na kalidat di bida na Kòrsou.