Yamada pa protehá bo vehíkulo kontra di ladronisia

KOMUNIKADO DI PRENSA 214/2024
7 mei 2024
Yamada pa protehá bo vehíkulo kontra di ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Un bia mas kuerpo polisial ta hasi un yamada na doñonan di vehíkulonan ku mas ta wòrdu
hòrtá, pa tuma e medidanan di prekoushon, pa evitá ku bo ta pèrdè bo ko’i kareda.
Den fin di siman tras di lomba tabatin varios ladronisia di vehíkulo atrobe òf intento di
esaki.
Diferente di e vehíkulonan aki no tabatin un sistema ku ta hasi imposibel ku malechornan
por bai ku e outonan.
Ta importante pa bo invertí den un lòk pa stürwil of kualke otro método ku ta hasi difísil pa
nan hòrta bo outo.
E petishon ta bai tambe, pa si bo ta disponé di un kurá, pone bo outo den kurá i no lagé
dilanti di bo kas para pafo riba kaya. Sigur den oranan di anochi esaki ta bira hopi atraktivo
pa e malechor sea kita piesa òf bai ku e vehíkulo kompletu.
Nos ta trahando duru pa sigui kombatí ladronisia di outo. Pero den esei nos tin mester di
abo su koperashon.
