30 mei Alsa Papiamentu. PROME, DURANTE I DESPUES DI SKLABITUT
PROME, DURANTE I DESPUES DI SKLABITUT
Dia 30 mei 2024 Instituto Alsa Papiamentu lo tene su aktividat tradishonal. E aña akí, den kuadro di
konmemorashon di 160 aña di sklabitut, lo dediká atenshon na e tema: Papiamentu su ròl promé,
durante i despues di abolishon di sklabitut. Alsa papiamentu a uni ku Istituto Nashonal di Idioma
Curacao, pa por ofresé un programa ku oradó di taya i entretenementu variá mará na e tópiko.
Nos ke enfatisá ku idioma papiamentu durante diferente etapa di nos historia tabat’ei presente komo un
di e faktornan ku ta tene nos huntu. Na 1958 ora ku Chano Margaretha a lanta i papia den su lenga
materno, resientemente komo e idioma ku a uni trahadónan riba 30 di mei 1969 i nos ta sigur ku e
mester tabat’ei den e kòmbersashon di Tula ku pastor Schinck na 1715.
Den nos konferensia e aña akí riba 30 di mei, nos ke duna un bista di kon el a forma i sigui desaroyá
promé, durante – i no opstante – di sklabitut – i kon el a sigui krese pa bira e lenga riku di awendia.
Introdukshon di e tópiko lo ta na enkargo di, miembro honorario di Alsa Papiamentu Gibi Bacilio. Gibi lo
introdusí e tema i nos oradó di òrdu lo ta dr. Louis Romer, lingwista-antropólogo empleá na CUNY New
York. Finalmente nos ta diskutí den un panel riba nivel di Reino, ku invitadonan di institutonan di
Papiamentu na Boneiru, Aruba i Hulanda, pa konhuntamente elaborá riba papiamentu su futuro.
Lo tin un marshe di buki di INIC pa bo por kumpra bukinan na papiamentu na un preis redusí i manera
semper un programa kargá ku entretenementu den forma di kanto, baile i deklamashon na enkargo di
Elia Isenia, Tio Ali, Caresse Isings i Rudsel D’Antonia i lo no falta nos banderitanan di kustumber.
Alsa Papiamentu ta invitá tur hende pa un anochi informativo i kultural interesante. Ku e aktividat akí
Instituto Alsa Papiamentu huntu ku e públiko ta spera di por yega na algun konklushon ku nos lo ke
sigui elaborá riba dje i forma un plan dirigí pa ehekutá nos vishon pa un dia Kòrsou kere, karga, kuida,
krea i asina sigui alsa Papiamentu.
Fecha : 30 mei 2024
Ora : 6:30 – 10.00 pm
Lugá : edifisio di PWFC
Entrada : grátis
Papiamentu promé, durante i despues di sklabitut
30 di mei 2024
Lugá: PWFC
18:30 – 19:05
Ora:
6.00-10.00 or
APERTURA (Maestro di seremonia: Maria-Guanela Rosinda) –
Himno di Kòrsou (Fayola Sno) –
Palabra di Bonbiní di presidente IAP (Glenda Sluis) –
Palabra di Bonbiní di director INIC (Marta Dijkhoff)
Vision i mishon: Direktiva Alsa Papiamentu
Introdukshon Konferensia: Papiamentu promé, durante i despues
di sklabitut (Gibi Basilio: miembro honorario IAP) “Honor na Tula,
Honor na Papiamentu”
19:10 – 19:50
Keynote Speaker 1: Louis Römer: “Desaroyo di Papiamentu i su
ròl den Sosiedat”
Intermezzo: Skèch di Piedra di
Partimentu di banderita
Intermezzo: Rudsel D’Antonia
20:30 – 20:50
Interkambio/interakshon ku públiko: Louis Römer
Pousa
Intermezzo: Caresse Isings
Pènel: Futuro di Papiamentu (Glenda/Laura, Sergio, Andrew,
Els-marie Marta, Gibi, Louis)
Intermezzo: Elia Isenia
Klousura: Kantadó Mayó Adjatay (Sekshon di Kultura)
21:50 – 22:00
Un ratu ameno huntu
Pa mas informashon: Tel: + 5999 565-8741 pa bèl òf WhatsApp

