DIA MUNDIAL DI TELEKOMUNIKASHON I INFORMASHON

Willemstad – Riba 17 di mei 2024 nos ta selebrá Dia Internashonal di Telekomunikashon i Informashon. Minister Charles Cooper ta deseá tur persona ku ta laborá den e sektor di telekomunikashon un felis dia i danki pa nan trabou diario. Un pabien speshal na empleadonan di Bureau TeleCommunicatie en Post (BTP) ku ta resorta bou di Minister Cooper.

Nos ta biba den un era kaminda komunikashon ta fundamental pa alkansá nos ophetivo pa desaroyo. E trabou ta hopi importante pa nos komunidat, sin esaki nos ta den desbentaha. Telekomunikashon ta mas ku un servisio básiko, e ta un medio pa mehorá e sosiedat i salba bida nan.

E importansia di telekomunikashon ta keda probá tur dia di nobo, ora tin kualke un informashon importante nan ta avisá nos di esaki, ku nan teknologia nan ta yuda ku e proseso ta mas fásil pa informá pueblo, hasiendo uso di un medio di telekomunikashon.

Danki un bia mas pa e trabou espektakular ku bosnan ta ofresé na e pueblo di Kòrsou.