PREPARASHONNAN TA KONTINUÁ PA NOS SELEKSHON NASHONAL ENFRENTÁ BARBADOS DIA 5 DI YÜNI 2024 AKI NA KÒRSOU!
PREPARASHONNAN TA KONTINUÁ PA NOS SELEKSHON NASHONAL ENFRENTÁ BARBADOS DIA 5 DI YÜNI 2024 AKI NA KÒRSOU!
SERA KONOSÍ KU E HUNGADÓNAN DI NOS SELEKSHON!
Preparashonnan ta kanando den gran forma pa nos promé partido di kualifikashon pa Mundial di FIFA ku lo tuma lugá dia 5 di yüni 2024 den Stadion Ergilio Hato pa mitar di 8 di anochi. Durante nos promé partido nos lo topa Barbados pa seguidamente nos biaha pa Aruba kaminda nos lo enfrentá Aruba dia 8 di yüni den Centro Deportivo Guillermo Prospero Trinidad pa 8’or di anochi.
Despues ku nos ‘bondscoach’ sr. Dick Advocaat huntu ku su staf tékniko a yega na un lista di 30 hungadó ku a forma parti di e pre-selekshon, awor nos ta publiká e 23 hungadónan ku lo representá Kòrsou durante nos kompromisonan pa kualifikashon pa Mundial.
E siguiente hungadónan ta forma parti di nos selekshon pa nos próksimo partidonan;
- Eloy Room
- Tyrick Bodak
- Nino Fancito
- Sherel Floranus
- Juriën Gaari
- Nathangelo Markelo
- Rhu-Endly ‘Cuco’ Martina
- Ar’jani Martha
- Joshua Brenet
- Vurnon Anita
- Juninho Bacuna
- Leandro Bacuna
- Kevin Felida
- Godfried Roemeratoe
- Jaron Vicario
- Rayvien Rosario
- Kenji Gorré
- Rangelo Janga
- Jearl Margaritha
- Xander Severina
- Jurgen Locadia
- Brandley Kuwas
- Gervane Kastaneer
Karchinan pa e partido aki ya ta disponibel na e puntonan di benta di kustumber i ta bayendo duru. Entrada general ta kosta fl.25 pa adulto miéntras mucha di 6 pa 12 aña i 60+ ta paga fl.15,-. VIP ta kosta fl.125,- ku bibida i ‘snacks’ inkluí.
Nos selekshon ta konta ku pueblo di Kòrsou kompletu pa apoyá i sostené nos selekshon nashonal durante e partidonan importante aki! Nos ta topa den Stadion Ergilio Hato dia 5 di yüni ora nos enfrentá Barbados…kumpra bo karchi trempan pa bo no keda afó!
20 mei 2024
