KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

DESAROYO DI 24 APARTAMENTU NA DANIEL

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

DESAROYO DI 24 APARTAMENTU NA DANIEL

PUBLIKÁ RIBA 01 YÜNI 2024

Willemstad – Minister Charles Cooper huntu ku e Servisio di Planifikashon Urbano (ROP) a otorgá ofishalmente un pèrmit di konstrukshon na BRL Construstruction & Development B.V. pa konstrukshon di 24 apartamentu na Daniel 18.
E proyekto ta inkluí konstrukshon di 24 unidat di apartamentu huntu ku pisina/ jacuzzi individual. Esaki ta situá na Weg naar Wespunt, Daniel 18.  E proyekto ta konsistí di 6 edifisio di dos piso i 30 lugá di parker. E konstrukshon kompleto ta planifiká pa terminá den 2026.
E proyekto aki ta marká un kontribushon signifikante na kresementu ekonómiko pa Kòrsou, dor di kreashon di trabou durante e fasenan di konstrukshon i despues lo duna un kontribushon na kresementu den área di turismo.
Minister Charles Cooper a ekspresá ta kontentu ku e proyekto ku ta enfoká riba mas bibienda i kupo di trabou pa e banda wèst nos isla, i ta sperá ku e ta duna èkstra impulso na pais, tantu pa nos sektor ekonómiko komo turístiko.
    
639114718427035"
639114718427035"