Maltrato ku detenshon

KOMUNIKADO DI PRENSA
2 yüni 2024
Maltrato ku detenshon
247/2024
Djasabra promé di yüni 2024 alrededor di 23.38’or, Sentral di Polis a risibí
yamada tokante di un kaso di maltrato na un adrès den Bahamasweg.
Na yegada di e unidat, el a topa un dama ku ta traha na e adrès ei ku
markanan di sla na su wowo i garganta.
El a deklará na polis ku su partner, a yega na e adrès na unda e ta laborá i a
kuminsá maltrat’é. Esaki relashoná ku un problema ku nan tabatin
anteriormente.
E hòmber agresor aki, a choka e dama i maltrat’é sin ku e kier a lag’é bai.
Un otro hòmber ku a bini pa kita e dos personanan aki for di otro, tambe a
risibí sla na altura di su orea.
Ambulans a yega na e sitio i a trata ámbos víktima i despues a referí e dama pa
dòkter.
E sospechoso ku ainda tabata na e adrès na momentu ku polis a yega, a keda
detené pa e kasonan di maltrato ariba menshoná.
A present’é dilanti di un fiskal ouksiliar ku a ordená su enlkarselamentu
pendiente di mas investigashon.

