SUBT tin un direktiva nobo pa temporada 2024-2025

Willemstad – Djaweps 6 di yüni 2024, SUBT a tene su Reunion General Anual i durante di su reunion general,
manera su statutonan ta indiká, SUBT a elegí su direktiva nobo. Señor Erick “Eky” Oleana a keda re-elegí komo
presidente i e huntu ku su tim a keda skohe pa aklamshon. Huntu Erick Oleana, Jarrod Diels, Riglène Cristina, Iris
Kenepa, Monique Curiel, Ana Louisa i Albertico Overman lo ta e direktiva ku lo dirigí SUBT pa e temporada di
2024/ 2025. Presidente a duna un bista di kon e temporada 2023-2024 a bai i tambe a duna un relato di kiko tur tin
riba plan pa ku e temporada nobo aki. E plan di mas grandi riba e kalènder di SUBT ta preparashon di 100 aña
SUBT, kual lo ta 17 sèptèmber 2025. Kuminsando e aña aki ya lo kuminsá sinti parti di preparashon di “Na kaminda
pa 100”. For di e aña aki riba 17 sèptember 2024 lo ranka sali, kaminda tin un komishon ku lo bai dediká 100%
riba e dia aki ku lo ta unu hopi importante pa SUBT. Sr. Oleana a mustra ku e selebrashon aki lo tin prioridat i ta
haltu riba nos lista pero nos lo no por kita bista tambe ku lo por bai mira algun kambionan agresivo positivo pa ku
e tim di bala aki. Sr. Oleana a mustra ku pa e parti di digitalisashon den e organisashon tambe ta un punto hopi
importante ku e direktiva nobo aki lo bai atendé ku ne. Dimes e parti di sponsor i donashon tambe tabata un punto
ku Sr. Oleana a para ketu riba dje i despues ku djasabra ei ta’tin e promé reunion ofisial kaminda a parti e funshonnan
pa e direktiva nobo, ya diferente manera “trendy” a bin riba mesa pa rekoudá fondo. Sr. Oleana ta super kontentu i
entusiasmá ku e dinamismo di e direktiva aki i ta primintí tur hungado, miembro i fanatiko di SUBT ku “ Awo tin
ko’ ”. Finalisando e presidente re-elegí ta pone enfasis ku pa keda pendiente pa aktividatnan rondo di 100 SUBT.

Erick Oleana                                                 Riglène Cristina
Presidente                                                    Sekretari0