KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KI DIA MINISTER DI SOAW TA SALI KUMINSA DEFENDÉ TRAHADÓNAN?

Kolaborador i sekretaria di Trabou Pa Kòrsou TPK, Abigaïl Mahalja Boelijn

SOAW tin e obligashon di sòru pa e lei di labor wòrdu ehekutá. Ta nan deber.

KI DIA MINISTER DI SOAW TA SALI KUMINSA DEFENDÉ TRAHADÓNAN?

Den 4 aña di gobernashon bòu di PNP, ta parse ku habuzu laboral a subi mas tantu.

 

Después ku kolaborador i sekretaris di Trabou pa Kòrsou TPK,
Abigaïl Mahalja Boelijn, a spièrta e minister di SOAW pa e “shake” su mes komo esun responsabel pa e kartera, nos a siguí haña tantu yamada di siudadanonan ku no ta satisfecho ku e trato na SOAW i tampoko sa nan derecho di labor ni tampoko sa unda pa haña kontesta nan adekua na e banko di vakatura ni e lokashon di informashon na WTC. Hende ta keda hende tambe si, pero ora mi buska pa mi wak si ami por keda kla riba mi mes. Mi no ta mira ku e informashon aki ta fasil pa haña bèk un kaminda.

 

Loke ta notisia den pueblo. Unda minister di SOAW ta? Surdu, muda i siegu e a bira?

  1. Doño di trabòu ta parti but kontra di lèi
  2. Doño di trabòu ta fòrsa trahadó firma ku doño no ta paga werkgevers deel p’e
  3. Doño di trabòu ta duna speransa di alargashon di kontrakto ku boka, pero ta keda sin kumplí.
  4. Doño di trabòu ta habuza di “nulurencontract”
  5. Trahadó ta traha mas ku 3 aña pa uitzendbureau pa e mésun funshon na mésun trabòu.

 

TPK a tradusi lèi laboral na Papiamentu.

Kòrsou tin un Areglo di trabòu di aña 2000 (arbeidsreglement 2000). E areglo aki ta e mama i fundeshi di derecho i deber di trahadónan i doño nan di trabòu aki na Kòrsou. Pa kolmo e lèi ta na Hulandes ku yen palabra ku nos hendenan no ta komprondé. Trabou pa Kòrsou a kaba di tradusi e lèi aki  na Papiamentu pa hasi’e mas fasil pa nos hendenan komprondé nan derechinan i deber nan. Un pueblo bon informá so por bai dilanti. Señora Boelijn: mi por komprendé ku pa sierto hende e loke nan tin skibi por ta poko kompliká pa komprendé na Hulandes paso simplemente no ta nan idioma. Pio ahinda ta pa nan bib’é, paso manera nos a splika anteriormente, no tin kontròl den hopi establesimentu i ora ku e trahadó yama SOAW e ta haña diferente kontesta serka diferente ekspertonan di e Ministerio.

 

No tin 1 liña di maneho

No tin ún liña rekto den e kontesta nan. Meskos e siudadanonan aki tambe ta bisa nos ku den Minister di SOAW su programa di radio e Minister ta papia un kos pero den un realidad e loke e ta splika no ta manera Minister ta papia. Esaki tin di haber ku e ingreshon ekstra ku e hende aki por gana banda di su bijstaand/ onderstaand. Den investigashon ku Señora Boelijn a hasi a bin komprendé ku no tin un montante figo buta riba papel ku hende nan por gana serka di nan bijstaand, i ta dependé di kada ken su situashon e kolaborador di kas di bario por wak i duna konseho. Pero Minister a bisa ku e montante ta Nafl. 600.- Kual no ta kuadra.
Den Afkondigingsblad 2009 No. 135 esaki ta wòrdu splika.

 

SOAW no ta para firmé tras si trahadónan

Hopi yamada tambe tin di haber ku derecho laboral, kuantu dia di fakansi o ki derecho di pago un hende tin después ku e kambia di trabòu. Tin tantu indikashon den tantu publicatiebladen i afkondigingsbladen ku kisas e ekspertonan por dominá i splika e hende nan esaki nan ku pasenshi, pasombra di eksperensia ta algu ku Trabou pa Kòrsou ta domina, di tin e pasenshi pa sinta skucha i splika. E eksperto tin ku hasi esei den nan trabòu paso ta esei nan a wòrdu kòntrakta p’e. Di skucha i keda splika, ounke nos hende nan no gusta skucha bon, pero ta esei ta bo tarea. E kartera aki ta un kartera sosial, ta ku pasenshi tin ku papia hopi pa e hende komprendé, i sin emoshona, paso esei no ta den e diskripshon di trabòu.

 

Minister ta lat na tur oloshi

Den un komunikado so, i ku un asiento den Parlamento so, Trabou pa Kòrsou no por solushona e desafio nan ku un kartera mester por atendé. Den e kartera di SOAW tin hopi trabòu. Loke TPK ke mustra Minister di SOAW ta ku den e 9 luna nan ku a sobrá aki, no ta rapòrt nan guia dor di e Hulandesnan, ni hopi papiamentu  t’e solushon. Ni awor den pitu aki bula bai Aruba na yüni 2024 pa wak kon Aruba si ta hasié ta hasi e diferensia. Awor aki Minister ta lat na tur oloshi. Awor aki ta e trabòunan i RESULTADO mester ta resona den pueblo. Pero ta bisto ku pueblo no ta kontentu ku e resultadonan. Laga mi no kuminsá papia mes di pobresa na Kòrsou. Laga mi keda te aki pa awor’ki si no, mi no ta kaba.
Ta un berguensa.

Boelijn

 

639114718427035"
639114718427035"