Pronóstiko di tempu pa Kòrsou i bisindario bálido te djaweps mainta 06:00 o.l., 4 di yüli 2024. KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREANAN DI KOSTA DI TUR PARTI DI KÒRSOU

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 4 di yüli 2024.
Kompilá: djárason 3 di yüli 2024, 05:00 o.l. (09:00 UTC).

KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR PA ÁREANAN DI KOSTA DI TUR PARTI DI KÒRSOU

Tempu: Parsialmente nublá i un chèns leve pa algu di áwaseru awe mainta, despues un tempu seku lo prevalesé.

Temperatura máksimo lo alkansá 33ºC i temperatura mínimo 28ºC.
Solo ta sali 06:15 i ta baha 19:05 o.l.

Bientu: For di ost i moderá; forsa 3 te 5 (12 te 39 km/ora, 7 te 21 nudo). Ráfaga, de bes en kuando posiblemente fuerte; forsa 6 (40 te 50 km/ora, 22 te 27 nudo).

Situashon general: E situashon atmosfériko aktual lo sigui limitá desaroyo di nubianan signifikante riba nos region. Pa e motibu aki, awe un kantidat limitá di áwaseru por okurí riba Kòrsou siguí pa klima seku. Mañan mainta ta antisipá un oumento di humedat na e nivel nan mas abou di atmósfera. Esaki, lo sòru pa algu mas di nubia pasa riba nos área, for di kua por kai un áwaseru pasahero.

Kondishon di laman: Moderá na kosta sùit i wèst ku altura di olanan alrededor di 0.5 i 1.5 meter (2 i 5 pia). Ta antisipá ku resake leve por okurí temporalmente na kosta sùit i wèst di Kòrsou durante e próksimo 24 ora. Mas aleu, na kosta nort kondishon di laman ta kontinuá basta brutu ku altura di olanan entre 2 i 3 meter (6 i 9 pia). Pa motibu aki, usuarionan di boto chikí i fasilidatnan di playa mester tene esaki na kuenta.

Sistemanan signifikante di wer tropikal: Siklon tropikal Beryl ta aktualmente un orkan di kategoria 4 i gradualmente ta pèrdiendo forsa sigun e ta move wèst alehando su mes di Kòrsou konforme e pronóstiko. Influensia di e sistema aki poulatinamente lo mengua den nos region.

Fenómeno spesial: Ningun.

Perspektiva te djabièrnè mainta: Parsialmente nublá ku chèns pa un yobida pasahero.

Meteorólogo: Correa