KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dos detenshon relashoná ku kasonan di atrako

 

KOMUNIKADO DI PRENSA 309/2024
10 yüli 2024

Dos detenshon relashoná ku kasonan di atrako

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku diferente kaso di atrako manera indiká den
(komunikado di prensa 303/2024), Tim di Aresto a hasi dos detenshon.
Djárason 10 di yüli 2024 alrededor di 04.55’or di mainta Tim di Aresto a hasi detenshon di e
hòmber P.J.A.C.G. di 16 aña di edat nasé na Kòrsou.
Su detenshon a tuma lugá den Ceylonweg.
Despues di e detenshon aki, polis a tene entrada hudisial i a haña i konfiská artíkulonan ku
ta di importansia pa e investigashon.
Relashoná ku e mesun investigashon aki, djárason 10 di yüli 2023 alrededor di 05.10’or, Tim
di Aresto a tene un otro entrada hudisial na un kas den Timorweg.
Mas lat riba e mesun fecha, alrededor di 05.35’or, Tim di Aresto a hasi un detenshon mas
den Tebenkweg. Ta trata di e hòmber L.A.M. di 16 aña di edat nasé na Kòrsou. Despues a
tene un entrada hudisial na e adrès ariba menshoná i a konfiská vários artíkulo, ku ta
importante pa e investigashon.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon. No ta ekskluí mas detenshon den e kaso aki.

639114718427035"
639114718427035"