Wind Creek Curaçao anfitrion di su inougural evento ‘Long Table’ na Kòrsou
Wind Creek Curaçao anfitrion di su inougural evento ‘Long Table’ na Kòrsou
Despues di 6 aña eksitoso na Wind Creek Aruba
WILLEMSTAD – [10 di yüli 2024] – Wind Creek Curaçao ta orguyoso di anunsiá e lansamentu di su inougural Long Table Curaçao, un evento kulinario di un anochi dediká na karidat, ku lo tuma lugá djadumingu, 20 di òktober 2024. Despues di e resonante éksito- durante seis aña largu- di Long Table Aruba, e evento aki ta marka ekspanshon di e kompromiso ku e marka Wind Creek tin pa impakto den komunidat i e responsabilidat korporativo den tur su merkadonan.
Long Table Curaçao ta primintí di trese famia, amigunan, i huéspetnan di e resort huntu pa un anochi inolvidabel dediká na ‘duna bèk’. Fakturá komo “E úniko plato di kuminda na balor di $22,000 pa Kòrsou,” ‘Long Table’ lo konta ku un mesa magnífiko pa 400 persona, kreando un eksperensia impreshonante pa un sena bou di streanan pafó di Wind Creek Curaçao Resort.
“E aña aki, nos ta entusiasmá di por trese e ‘Long Table’ Kòrsou,” Maylin Trenidad, Direktor i Gerente di Wind Creek Curaçao a bisa. “Nos a mira e impakto inkreibel ku ‘Long Table’ tabatin na Aruba, rekoudando mas ku $335,000 pa diferente organisashon karitativo lokal for di 2017. Nos ta entusiasmá pa ekstendé e tradishon di generosidat i sosten na komunidat pa Kòrsou.”
Tur entrada di ‘Long Table Curaçao’ lo bai direktamente pa organisashonnan karitativo lokal, kontinuando ku e herensia di Wind Creek pa duna bèk. E evento lo tin un proseso di selekshon renobá, invitando organisashonnan lokal pa presentá kasonan konvisente pa risibí un sosten finansiero. Ta invitá organisashonnan karitativo lokal pa partisipá, i e komunidat lo vota pa e benefisiarionan. E organisashonnan ganadó lo risibí kolektivamente $22,000 na premio suministrá pa Wind Creek Hospitality. E aserkamentu inklusivo aki ta garantisá ku nos komunidat ta tuma un ròl vital pa determiná unda e fondonan tin mas impakto.
“Ta alentador pa mira nos huéspetnan i komunidat bini huntu pa un kousa asina signifikante,” Sra. Trenidad a agregá. “Nos ta spera di por konstruí relashonnan fuerte ku e organisashonnan karitativo aki i sostené nan trabou vital pa Kòrsou.” E anochi lo ta mas ku djis un sena; lo selebrá komunidat i generosidat. Tur hende por spera un eksperensia kulinario ekskisito, entretenimentu bibu, i e oportunidat pa konektá ku lidernan klave di komunidat.
Pa tur update di e evento, por bishitá e página di facebook Long Table Curaçao.

