KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Dolphin Suites ta hasi donashon di mobilario na Stichting Hamied

Dolphin Suites ta hasi donashon di mobilario na Stichting Hamied

12 di yüli 2024

Den tur kos, hasimentu di impakto ta e kos di mas importante pa Hotel Dolphin Suites. P’esei e hotèl a habri un ala nobo di forma festivo na kuminsamentu di e aña akí. Pero no esei so. Ultimo dos lunanan, e hotèl a renobá e ala bieu. I ki bo ta hasi ku e interior bieu? Esaki ku hopi amor nan a pasa pa Stichting Hamied. E fundashon por hasi bon uzo di e muebelnan pa drecha su institutonan di kuido.

Dolphin Suites, entre otro a fèrf e parti bieu, atendé ku trabou di paipfeter i elektra i renobá e sistema di èrko. Despues di un trabou ekstenso asina, di mes mester a sòru pa un interior elegante. E diesdos suite-,dos studio-, i seis kambernan i un apartamento den e ala bieu awor ta mustra mesun nèchi ku e ala di mas nobo. E hotèl ta un totalidat i e ta kla pa risibí wéspet den e temporada haltu binidero.

Mobilario di e ala bieu, e hotèl a pasa por kompletu pa Stichting Hamied. E fundashon akí ta traha na bienestar di diferente grupo den nos komunidat. Awendia esaki ta spesialmente dirigí riba salubridat i kuido di hende grandi. Pero resientemente, nan a aserká e fundashon tambe pa akohé hóbennan ku mester bai biba den un institushon pa diferente motibu.

“E muebelnan a yega nèt na ora!”, segun Tessa de Haas, direktor di Stichting Hamied. “Sigur e kamanan pa nos Hospice (kuido terminal), kaminda famianan por keda drumi fásilmente awor. Pero tambe pa e kambernan ku nos mester bai drecha pa nos hóbennan. Nos ta hopi gradisidu na Dolphin Suites pa nan sosten”.

Ayera Dolphin Suites a hasi entrega di dos kònteiner yen na Hamied su lokashon na Jan Noorduynweg. Huntu ku un grupo di boluntario, a saka e muebelnan for di e kònteinernan i ya kaba hopi muebel a haña un bunita lugá den un di e institutonan di kuido di Stichting Hamied.

Dolphin Suites & Wellness ta sigui hasi eksperensianan spesial posibel, brasa inovashon i realisá impaktonan positivo den komunidat.

 

639114718427035"
639114718427035"