KÒRSOU LO TA E ANFITRION PA CFU CLUB SHIELD 2024 KU LO TUMA LUGÁ DI 25 DI YÜLI PA 4 DI OUGÙSTÙS PRÓKSIMO!

 

KÒRSOU LO TA E ANFITRION PA CFU CLUB SHIELD 2024 KU LO TUMA LUGÁ DI 25 DI YÜLI PA 4 DI OUGÙSTÙS PRÓKSIMO!

 

 

E aña aki Caribbean Football Union (CFU) a skohe Kòrsou komo anfitrion pa e kompetensia Club Shield 2024 ku lo tuma lugá di 25 di yüli pa 4 di ougùstùs 2024.

Un total di 20 ekipo lo partisipá na e torneo aki ku lo tuma lugá den Stadion Rignaal ‘Jean’ Francisca i tambe Stadion Ergilio Hato. E aña aki e ekiponan ku lo representá nan pais, lo hunga un wega kontra otro estilo ‘dal saka’ p’asina e último 2 ekiponan pasa pa e gran final ku lo ta 4 di ougùstùs 2024.

 

For di dia 23 di yüli binidero e promé paisnan lo kuminsá yega Kòrsou pa kontinuá ku e preparashonnan pa duna un bon presentashon durante nan partisipashon na CFU Club Shield 2024. Mas ku klaro Jong Holland tambe ta preparando duru p’asina saka nos kara durante e torneo aki.

 

E siguiente ekiponan lo partisipá na CFU Club Shield 2024;

 

1. America Fc (Haiti)
2. Arnett Gardens FC (Jamaica)
3. As Étoile De Matoury (French Guiana)
4. AS Junior Stars (Saint Martin)
5. A.Y.S FC (St Lucia)
6. CCCUL Dublanc FC (Dominica)
7. Club Atlético Pantoja (Repúblika Dominikana)
8. CRKSV Jong Holland (Kòrsou)
9. Defence Force FC (Trinidad & Tobago)
10. Grenades FC (Antigua & Barbuda)
11. Guyana Defence Force FC (Guyana)
12. Metropolitan FA (Puerto Rico)
13. Paradise FC International (Grenada)
14. Rams Village Superstars FC (St. Kitts & Nevis)
15. Scholars International SC (Cayman Islands)
16. SCSA Eagles (Sint Maarten)
17. SV Racing Club Aruba (Aruba)
18. SV Real Rincon (Boneiru)
19. SV Robinhood (Sürnam)
20. SWA Sharks FC (Turks & Caicos Islands)

 

Karchinan pa CFU Club Shield 2024 ta na balor di fl.10 pa adulto miéntras mucha di 6 pa 12 aña i 60+ ta paga solamente fl.5,- pa disfrutá di ámbos partido riba kada dia. Tene kuenta ku ora bo kumpra karchi pa drenta un stadion, no por usa e mesun karchi pa bai e otro stadion.

Por kumpra karchi na e lokètnan di e stadionnan un ora promé ku e weganan.

 

Preparashonnan ta tumando lugá pa e inisio di CFU Club Shield 2024 ku lo kuminsá 25 di yüli 2024 kaminda 20 ekipo lo ta den kontienda huntu ku Jong Holland lo representá Kòrsou. Abo so falta ta bin animá i apoyá nan durante e torneo aki!

 

FFK ta deseá Jong Holland tur klase di éksito!

 

18 yüli 2024