RESUMEN POLISIAL

RESUMEN POLISIAL
Kompilashon di e kasonan mas importante.
* Atrako a keda registrá djabièrnè anochi alrededor di 8:50pm na momentu ku 3 hòmber ta drenta un toko/restorant na Oosterbeekstraat i bou di menasa ku kuchu ta bai ku benta di dia.
* Djasabra mainta alrededor di 9:50am den área di Mahuma polisnan ta detené un dama ku a kibra un winshil despues di un diskushon.
* Djasabra anochi alrededor di 7:40pm kaso di hinkamentu registrá na Kustbatterij. Diskushon a pone hòmber hinka otro ku kuchu na man rèks. Polis a hasi detenshon den e kaso aki.
* Den oranan di marduga di djadumingu hòmber ta keda heridá na su skouder links na un sentro nokturno na Janthiel. E la bai poliklinika ku outo partikular.
* Alrededor di 6:22am di awe djadumingu mainta, aksidente den area di Piscadera na altura di un klup marino. Un total di 5 persona a resulta leve herida i ambulans a optá pa transporta tur 5 pa CMC pa tratamentu médiko.
*AKSIDENTE DEN ORA NAN LAAT DI MARDUGA*
Awe marduga birando kasi mainta tabatin un aksidente serio kaminda 5 hoben a keda heridá. E hobennan aki a sali dibertí for di un diskoteka den área di Sta. Maria. Despues nan a kue rumbo pa Parasa i riba e kaminda di bai Pirate bay nan ta aksidentá den un palu. E impakto tabata fuerte mes mirando ku algun di nan a keda benta riba kaya. Brantwer i 3 ambulans a bini na e sitio pa por duna asistensia mirando ku kada un dje hóbennan aki a risibí basta sla. Unu di nan a keda gravemente heridá ku multiple leshon. Polis ta investigando e aksidente aki.
