Bringamentu formal despues di Zomercarnaval
Zomercarnaval a kana trankil den un bon esfera. Pa komienso di anochi agentenan polisial a realisá ocho (8) detenshon di kual dos tabata en konekshon ku bringamentu i sobrá seis tabata pa desturbio di orden publiko.
E aña aki no tabata tin un programa nokturno riba Coolsingel pero aki aya den siduidat tabata tin varios fiesta despues di e marcha.
Aña pasá tabata tin varios kaso di tiroteo i hinkamentu loke a kondusí na e desishon pa no pone un fiesta grandi mas sin kòntròl na entrada despues di e marcha.
Sinembargo e aña aki tabata tin un kaso di bringamentu formal ku a tuma lugá na e krusada Coolsingel / Van Oldenbarneveltplaats. Durante di e suseso aki tabata tin un persona ku a pèrdè konosementu. Ku urgensia hopi agente polisial i unidat militar ‘ME’ a keda alarma i e viktima a risibí tratamentu mediko. El a rekobrá su konosementu i a keda transportá ku servisio di ambulans pa EMC Ziekenhuis.
No ta konosí kiko a kondusí na e bringamentu ni si tin mas herido.