Lansamentu di wèpsait PATH Riba Dia Internashonal Anti Trafikashon di Hende

WILLEMSTAD – Den kuadro di dia Internashonal Anti Trafikashon di Hende, 30 di yüli, Ministerio
di Hustisia ta orguyoso pa anunsiá lansamentu di e wèpsait nobo di PATH: http://www.path.cw. E
plataforma aki ta dediká pa lucha kontra trafikashon di hende na Kòrsou, i ta reflehá nos
kompromiso pa protehé e komunidat di e krímen aki.
Trafikashon di hende ta un krímen serio ku ta afektá víktima rònt di mundu henter i tambe nos
pais. Ku lansamentu di e wèpsait, nos ta duna paso importante pa informá i protehé nos
hendenan. E wèpsait ta ofresé informashon tokante e vários tipo di trafikashon di hende, e
señalnan di atvertensia, i paso ku hende por tuma pa buska ayudo òf reportá kaso sospechoso.
Esaki ta un momentu signifikante pa Kòrsou, despues nos a logra promové di Tier 3 pa Tier 2
watch list den e lista di Departamentu di Estado di Hulanda. Esaki ta demostrá e progreso ku
nos a hasi den e lucha kontra trafikashon di hende, pero nos sa ku tin hopi mas pa hasi. E status
nobo ta mustra ku nos esfuersonan ta duna fruta i nos ta determiná pa sigui traha duru pa logra
un ambiente sigur pa nos tur.
Nos ke invitá tur hende pa bishitá http://www.path.cw, un wèpsait ku ta duna informashon detayá i
aktualisá tokante trafikashon di hende. E plataforma ta ofresé guiá tokante señalnan di
atvertensia, historianan di víktima, i informashon tokante loke por hasi pa prevení i kombatí
trafikashon di hende. Tambe tin un sekshon spesial pa raporta kaso sospechoso ku ta yega
direktamente na e outoridatnan nesesario[SI1] . E promé vershon di e wèpsait ta ser lansa na
ingles, i despues lo inkorporá e demas idioma nan pa hasi esaki unu multilingual.
Na fin di dia, e esfuerso I lucha kontra trafikashon di hende ta un tarea ku ta pidi nos tur pa traha
huntu. Solamente ku unidat i kolaborashon nos por logra protehé nos mas vulnerabel i eliminá
e krímen di trafikashon di hende pa semper.