Entrega di e promé 10 èrkonan

WILLEMSTAD – Awe tardi minister di Enseñansa, Siensia, Kultura i Deporte sr. Sithree van Heydoorn hasi entrega di e promé 10 èrkonan na Direktiva di Skolnan Katóliko. Di forma simbóliko minister a hasi entrega di e promé ‘remote’ di un èrko na kabes di skol Santa Rosa de Lima ku ta e prome skol ku ta risibi erko for di e 1 mion florin ku Minister a pone disponibel pa yuda den e temporada di kalor.

Na total direktiva di skolnan Katóliko ta bai haña un kantidat di 187 èrko pa repartí na e diferente skolnan ku ta kai bou di e direktiva di skolnan. A la bes minister di ESKD a firma un akuerdo ku Stichting Onderhoud Scholen Curaçao (SOS) ku ta esun ku ta responsabel pa monitoreá e kuido i mantenshon di e èrkonan.

—

KOMUNIKASHON

**riba e potrètnan por tuma nota di entrega dor di direktor sr. Carlos Liberia di e kompania Quality Cooling na Minister van Heydoorn i tambe e akuerdo entre minister i e direktor di SOS sr. Giovanni Simmons.