Minister Shalten Hato: Mi bario ku mi a nase i biba gran parti di mi hubentut, a selebrá nan dia.

Minister Shalten Hato
·
{Mi lombrishi}
Mi bario ku mi a nase i biba gran parti di mi hubentut, a selebrá nan dia. Djadumingo 18 di ougústús 2024 e bario di Sta. Helena a selebrá 20 aña di Fundashon di bario Sta. Helena i tambe e di 21 aña ku a organisá e dia di Bario Sta. Helena.
Bario di Sta. Helena a krea artistanan, deportistanan, dòkter, ingeniero, parlamentario i a yuda ami komo Minister den mi formashon. Durante di e selebrashon di Dia di Sta. Helena ayera, Fundashon Sta. Helena a duna rekonosimentu na sr. Curial, komo baluarte di e bario, i tambe na sr. Ricardo pa e yudansa i pa semper ta para klá pa e bario.
Alabes a hasi apertura tambe di un kurá di rekreo pa e bario, unda muchanan por hunga awor tur mèrdia despues di skol.
Bario di Sta. Helena, bo ta parti di mi pa semper!