MinFin ta bai staten a korto plaso ku un proposishon pa tax credit. Alivio pe bon pagado di belasting ku un debe chiki.

 

MinFin ta bai staten a korto plaso ku un proposishon pa tax credit. Alivio pe bon pagado di belasting ku un debe chiki.

Riba mi proposishon Konseho di minister a bai dia 24 augustus 2022 di akuerdo pa introdusi un tax credit pa tur bon pagado di belasting. Pronto lo mi bin Parlamento ku un aanschrijving pa introdusí tax-credit. Esaki ta enserá ku tur pagadó di impuesto ta haña un suma di NAf 2.500 disponibel riba nan debiteurenkaart ku nan por usá pa deskontá (verreken) debenan te na un total di 2.500 florin. Por usá e sèn aki pa deskontá (verreken) por ehèmpel bo aanslag di OZB, erfpacht, afvalstoffenbelasting, ets. 43.524 hende tin un debe menos ku 2.500. Ya Ontvanger ta stop di kore tras di e sra ku ta traha na ABC Busbedrijf pa un debe di 1.000 florin. Stop di manda aanmanning pa un debe di 100 florin pe sra ku ta parti koffie na Forti. MinFin a skucha bo dolor i no a lubida bo.

Si akaso bo no tin niun debe e suma di 2.500 florin ta keda 2 aña largu riba bo debiteurenkaart, di moda ku bo por us’é pa debenan ku bin den e próksimo 2 añanan. Asin’aki esnan ku a paga kaba tambe por benifisiá di e tax-credit. Mi ta ripiti ku tin un raadsbesluit positivo tokante esaki kaba. Mi ta spera ku dia mi bin ku e aanschrijving inkluyendo e landsverordening aki Parlamento, pueblo por konta ku boso sosten.