KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Informashon eróneo duná riba e permanensia di kachó den karentena

 

Informashon eróneo duná riba e permanensia di kachó den karentena

Willemstad – Ku hopi asombro departamento di Servisio Veterinario (SV) di Ministerio di Salú, Medio Ambiente i Naturalesa (GMN) a tuma nota di un notisia i tambe di un vidio ku ta bai rònt  ku a keda duná awe 29 di ougùstùs na un radio Hoyer 1 (101.9 FM). Nan ta informá ku nos karentena lo ta yen di kachó i ku tin un situashon a-higiéniko ku tumando lugá aki na nos departamento.

Nos ke informá ku nos karentena no ta yen di kachó. E 2 kachónan chikitu ku a drenta Kòrsou nan no ta formando niun momento un peliger pa Salubridat Públiko, e pakiko no a laga e kachónan aki keda ku nan doño durante nan fakansi ta pasobra e doñonan a lubidá di trese huntu ku e sobra informashon di vakunashon i tratamentu preventivo kontra malesa kontagioso, un papel ofishal di e departamento di gobièrnu merikano ku yama USDA.

E pakiko a hinka e kachónan den un kantor, ku por sierto no ta den uso, ta pa e echo ku nan tamaño ta hopi chikí ku nan lo por sali basta fásil for di e kouchinan di nos karentena.

Ayera e doñonan a trese e dokumentonan ku tabata falta pa nos evaluá. Esaki ta demostrá ku e animalnan ta kompletamente bakuná i a wòrdu tratá di akuerdo ku nos rekisitonan di entrada. Ta falta solamente e papelnan ofisial di USDA. Pa e motibu aki, e animalnan no por keda liberá i mañan nan lo ser mandá bèk Merka.

Entretantu, a kuminsá hasi e trabounan nesesario pa adaptá e kouchinan di karentena pa asina den futuro e kachónan chikitu aki tambe por keda den nan. Awe e animalnan, pa mesun motibu akiriba menshoná, ta keda den un kantor di e edifisio te ora nan bai Merka mañan.

Nos di departamento di Servisio Veterinario (SV), aparte di higiena, ta pone tambe atenshon na bienestar di animal i ta pèrkurá pa e animalnan aki no mester pasa dor di e sufrimentu innesesario. E mesun kos ta konta pa Salubridat Públiko, ku no a wòrdu menasá na ningun momento den e kaso aki.

Pa kualke pregunta por tuma kontakto ku Dr. Cheryl van Ommen na +599 9 461 4000

639114718427035"
639114718427035"