Dama enkontrá morto den pisina na Blue Bay

KUERPO POLISIAL KÒRSOU
KOMUNIKADO DI PRENSA
1 sèptèmber 2024
Dama enkontrá morto den pisina na Blue Bay
375/2024
Djasabra 31 di ougùstùs 2024 alrededor di 16.31’or, Sentral di Polis a dirigí un unidat di
warda di polis di Otrobanda, pa un kaso posiblemente di hogamentu.
Na yegada di e unidat, el a bin topa un dama kantu di e pisina i ku no tabata duna señal di
bida.
For di investigashon preliminar a sali na kla ku e dama ku huntu ku algun familiar ta di
vakashon aki na Kòrsou, tabata pa un ratu su so na kas.
Na momentu ku famianan a regresá kas, nan a topa e víktima barika abou den e pisina i ya
no tabata reakshoná.
Mesora nan a drenta akshon, sak’é for di awa i trata na reanim’é pero sin e resultado deseá.
Dòkter di polis ku a yega na e sitio, a konstatá morto di e dama di nashonalidat Hulandes.
A pidi presensia di personal di reshèrshi tékniko i táktiko, pa investigá kiko por a pasa.
Riba òrdu di fiskal di Ministerio Públiko a konfiska e kurpa i algun artíkulo pa mas
investigashon.
