KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Rueda di prensa The Real One presentando su evento ‘All In One’

 

Djaweps 5 di sèptèmber 2024 ‘The Real One’ ku MC Monti na kabes a ranka sali ku un
eksitoso rueda di prensa riba tereno di Playa Kanoa Canoa kaminda e evento di ‘All In
One’ ta bai tuma lugá.
Despues ku sra. Minthy Mc Intosh a habri e rueda di prensa i a yama miembronan di
prensa, media social, sponsernan i tambe tur esnan ku a presenta ku nan outo di
kareda, trùk i buriku bon bini, sra. Mc Intoch a pasa palabra pa Mc Monti
MC Monti a start e rueda di prensa gradisí Señor Dios i seguidamente a elaborá riba
kon el a yega na e idea pa organisá e evento ‘All in One’. Un motibu ta ku semper e ta
yuda i sostené tur otro promotor ku nan evento, mayoria di nan i diferente otro hende a
dune kurashi pa e mes organisá su mes un evento.
Mc Monti a gradisí tambe sra. Diana ku ta su man drechi i semper ta para mas ku shen
porshento su tras ku tur idea ku e bini kune.
Mc Monti a elaborá unda kada kategoria lo tuma lugá riba tereno di Playa Kanoa
Canoa. Lo tin amplio lugá di parker i seguridat di e evento kompleto lo ta den man di
‘Strong Security’.
Sra. Diana ta enkargá ku e parti di ‘Food and Beverage’, a elaborá over di esaki i a
informá ku lo tin dos trùk di pan ‘Sabrosito’ i ‘Karko Royal’, tambe lo tin dos bar ku lo ta
na enkargo di ‘Mi Mojito’.
Di parti di ‘Strong Security’ nan a konfirmá ku nan ta enkargá ku henter e seguridat di e
evento. Entre otro ku ‘crowd management’ i tur area lo wòrdu separá individualmente.
Na momento ku kada un kategoria ta tuma luga lo no tin hende ta move den niun di e
areanan, paso lo tin area pa públiko separá. Lo tin bon kòntròl na porta. ‘Strong Seurity’
a enfatisá tambe ku lo mantené e prosedimentu: ‘In=In’ Uit=Uit’.
Seguidamente John Anthony a amplia tokante di e seis (6) kategorianan ku lo tin
djadumingu 6 di òktober 2024 na tereno di Playa Kanoa ku ta lo siguiente:
 ‘Mud Race’: Kareda di outo den lodo;
 Toke di Tròt: E trùk grandi nan lo kompetí kontra di otro pa ku e kategoria aki;
 Kareda di Buriku: Algu diferente kaminda koredó nan di diferente bario ta yama
otro afó;
 Avion nan ‘Remote Control’: Ku tambe ta algu diferente durante di e evento aki;
 Demolition Durby: Ken no ke wak esaki;
 4×4: Ku no ta keda afo.
John Anthony a partisipá ku porta lo habri 4’or atardi i e evento ta ranka sali 5’or en
punto. Entrada pa mucha di 0 te I ku 5 aña ta grátis, di 6 pa 12 aña ta Naf. 10,00 i di 13
aña bai ariba ta Naf. 25,00. Karchi di entrada pa e evento ‘All in One’ lo ta optenibel for
di e fin di siman aki na Pompstation Sta. Maria, Beep Beep Rio Canario i ESO ku lo
hasi entregá di karchi te kaminda bo ta.
Mc Monti su debilidat pa mucha ta grandi i dor di esei tambe Mc Monti i su team lo bai
bishitá algun skol pa asina regalá un kantidat di karchi di entrada na e muchanan pa
asina nan por bin presensiá e show di ‘All in One’, esaki pa kortesia di tur e
spònsornan.
Mc Monti despues a enfatisá ku si sobra karchi lo tin na porta pero si na tur punto di
benta esakinan kaba esei ta nifiká ku ‘Op=Op’.
Despues di a kontestá pregunta di miembronan di prensa, a bolbe gradisí tur spònser i
sra. Mc Intosh a yama tur presente danki i a klousurá e rueda di prensa.
Mc Monti ta gradisí tur spònsor ku a kere den e proyekto aki di kurason

 

639114718427035"
639114718427035"