Kaso di tiramentu ku dos herido i detenshon

KOMUNIKADO DI PRENSA 412/2024
22 sèptèmber 2024
Kaso di tiramentu ku dos herido i detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 21 di sèptèmber 2024 alrededor di 23.36’or, Sentral di Polis a dirigí unidatnan di
warda di polis di Montaña pa Kaminda Jose C. Anthonia, pa un kaso di tiramentu kaminda
tabatin dos víktima ku herida di bala.
Na yegada di e promé unidat, el a topa na e krusada ku Kaya Basil, un hòmber drumí abou
ku herida di bala na altura di su garganta ku tabata sangra bastante.
Mesora a pidi presensia di ambulans ku a atendé ku e víktima i transport’é pa Sala di
Emergensia di C.M.C.
For di personanan den besindario e unidat a komprondé ku e otro víktima ku
probablemente a risibí herida di bala na su pia, a keda transportá den un outo partikular pa
hospital.
Kontinuando ku e investigashon, mas despues polis a bin topa den un labadó den área di un
vèlt di bala den Montaña, un vehíkulo pretu den kua e sospechoso ku a lòs e tirunan dirigí
tabata kore.
Mama di e sospechoso ku tabata na e sitio a deklará na polis ku ta su yu a tira i ku na e
momentunan ei e ta na kas.
Seguidamente polis a bai na un adrès den Watakeliweg i pa mas o menos 00.35’or di
djadumingu 22 di sèptèmber 2024, a detené e hòmber L.O.I. di 27 aña di edat nasé na
Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
