Ta transportá ku urgensia turista Hulandes
Ta transportá ku urgensia turista Hulandes
Den oranan di djadumingu atardi (29 di sèptèmber) Sentro Operashonal Marítimo (MOC) di Wardakosta di Karibe a risibí un petishon di Kuerpo Polisial, pa asistí ku búskeda di dos turista Hulandes. Ta trata di dos ruman muhé ku a pèrdè den besindario di e ‘zoutpannen’ di Jan Thiel (Kòrsou).
Inmediatamente a pidi asistensia di e helikòpter di Wardakosta. E helikòpter a logra di lokalisá e dos rumannan i a aterrisa mes ora pa duna e asistensia nesesario. E temperatura i kalor a afektá un di e señoranan (67 aña di edat) di tal manera, ku konsekuensia ku su kurason a stòp. Personal di e helikòpter a logra di reanimá e señora i a transporte ku urgensia pa hiba e HATO. Personal di ambulans a risibí e señora den estado krítiko i a hiba e imediatamente pa risibí tratamentu médiko na CMC.
E ruman muhé tambe a bai CMC.

