Aksidente ku 3 morto na Amersfoort
Aksidente ku 3 morto na Amersfoort
Durante un aksidente di auto na Amersfoort, 3 persona a pèrdè nan bida. Ta trata di tres hende hòmber di 21, 25 i 27 aña.
Alrededor di 1.30 di mardugá e vehíkulo a kita for di riba Stadsring i a bai resultá den awa. Agentenan polisial ku a kore pasa a tuma nota di e aksidente komo ku nan a mira markanan di tire i piesanan di auto riba karetera. E tres okupantenan a keda saká for di e vehíkulo pero reanimashon no tabata fruktífero.
Investigashon ta andando pa motibu di hopi falta di informashon di kiko realmente a tuma lugá. Agentenan polisial ta pidi yudansa di komunidat hulandes pa suministrá videonan si tin disponibel.








