KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Ministerio di ESKD a partisipá na Kumbre relashoná ku AI

Enseñansa, Siensia, Kultura & Deporte

 

Ministerio di ESKD a partisipá na Kumbre relashoná ku AI

Publiká riba 04 Òktober 2024

WILLEMSTAD – Riba instrukshon di minister enkargá ku enseñansa sr. Sithree van Heydoorn, un delegashon di Ministerio di Enseñansa, Siensia, Kultura i Deporte (ESKD) a partisipá na e di dos ‘Cumbre ministerial de altas autoridades sobre la ética de la Inteligensia Artificial’, en America Latino i Caribe. Miembronan di e delegashon ta Sekretario-general sr. Susan Larmonie-van Heydoorn, Kolaborador di gabinete sr. Richard Delfina i Sekretario-generaal di UNESCO Kòrsou sra. Marva Browne.  E kumbra aki a keda organisá pa traha riba un aserkamentu regional i gobernamental relashoná ku inteligensia artifisial (AI) ku tin un impakto riba nos sociedat.

E kumbre a tuma lugá na Montevideo, Uruguay riba dianan 3 i 4 di òktober i a keda fasilitá pa UNESCO. A akordá e deklarashon i e mapa di e ruta pa realisá e étika pa inteligensia artifisial. Den e deklarashon a bai di akuerdo pa reafirmá e dedikashon i desaroyo di inteligensia artifisial basá riba promoshon, rèspèt pa protekshon, bienestar i dignidat di hende, promoviendo inovashon kaminda ta sigurá inklusividat i sostenibildat teknológiko den e proseso.
—
KOMUNIKASHON
**Riba e potrèt athunto por tuma nota di e delegashon na e kumbre relashoná ku inteligensia artifisial.

639114718427035"
639114718427035"