Detenshon pa violashon di lei di arma di kandela

KOMUNIKADO DI PRENSA 430/2024
5 òktober 2024
Detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Durante di un kontròl di unidatnan di Unit Speciale Taken (U.S.T.) den Saliña dia 5 di
òktober 2024 alrededor di 02.28’or, nan a para un vehíkulo den kua tabatin kuater hòmber.
Durante di kontròl den e vehíkulo, polis a topa ku un pistol bou di un di e stulnan di e outo.
Mesora a konfiská e arma di kandela i a detené e kuarteto pa violashon di lei di arma di
kandela.
Ta trata di:
R.E.B.N. di 28 aña di edat;
A.C.M. di 34 aña di edat;
U.C.L. di 23 aña di edat, tur tres nasé na Kòrsou i J.J.C.M. di 18 aña di edat nasé na
Hulanda.
A presentá e sospechosonan dilanti di un fiskal ouksiliar ku a ordená enkarselamentu di
R.E.B.N., mientras ku e otro tresnan a keda lagá den libertat despues di interogashon.
