Pronóstiko di tempu pa Kòrsou i bisindario bálido te djaluna atardi 18:00 o.l., 7 di òktober 2024.

Pronóstiko di tempu pa Kòrsou i bisindario bálido te djaluna atardi 18:00 o.l., 7 di òktober 2024.

Kompilá:
djadumingu 6 di òktober 2024, 18:00 o.l. (22:00 UTC).

Tempu:
Awe nochi: Levemente nublá i seku. Durante mardugá lo tin formashon un bes mas di serena. Mañan: Temporalmente hopi nublá ku un algun yobida aislá durante di dia.

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:22 o.l.

Bientu:
Suak for di diferente direkshon. Prinsipalmente den anochi, de bes en kuando kalmu; forsa 1 te 2 (1 te 11 km/ora, 1 te 6 nudo). Den dia, tin bia ráfaga te moderá; forsa 3 (12 te 19 km/ora, 7 te 10 nudo).

Situashon general:
Un kondishon atmosfériko instabil a traves di nos region okashoná pa Zona di Konvergensia Tropikal, lo influensiá e wer riba i rondó di Kòrsou durante e próksimo 48 ora. Esaki lo sòru pa un régimen di bientu suak i for di diferente direkshon den nos área. Pa tantu, e kombinashon di tiki bientu, airu kaluroso i húmedo, lo aportá na un sensashon di kalor un poko sofokante durante di dia. Es mas, kondishon atmosfériko lo ta faborabel pa desaroyo di nubianan signifikante riba nos region ku lo trese algun momento di yobida kompaña pa aktividat di welek i bos. Mas aleu, na sierto parti di Kòrsou por tin molèster di awa, debí ku e nubianan di áwaseru lo move poko poko.

Kondishon di laman:
Trankil te moderá ku altura di olanan di 0.5 te 1 meter (2 te 4 pia). E olanan di mas haltu lo ta den resake pegá ku kostanan ost i nort.

Sistemanan signifikante di wer tropikal:
Sistemanan signifikante di wer tropikal: Ningun.

Fenómeno spesial:
Ningun.

Perspektiva te djamars atardi: B
Basta nublá ku algun momentu di áwaseru i bientu ta kontinuá suak.

Meteorólogo:
Correa