Minister Charles Cooper Selebrashon 35 aña di CTB (Curaçao Tourist Board)
35 aña poniendo Kòrsou bria riba tarima mundial
Esaki ta un logro grandi i hopi balioso ku bal selebrá i risibí e rekonesementu meresí. Pa mas di tres dékada, Ofisina di Turismo di Kòrsou (CTB) a dediká su mes ku amor i pashon pa duna Kòrsou su lugá riba mapa mundial. CTB a pone un fundeshi riku i sólido ku a kontribuí enormemente na e desaroyo di turismo i nos komunidat.
Aña 2024 ta marká pa bira otro aña di rèkòrt pa Kòrsou. E ta ophetivo ta pa logra un total di 670 mil turista di estadia, i ya kaba nos a yega e mei mion turista di estadia ku nos a logra aña pasá na novèmber.
Un biaha mas, mi ke gradisí di kurason tur esnan ku a kontribuí na e logro grandi aki. CTB, Ministerio di Desaroyo Ekonómiko, tur e otro ministerionan i servisionan di gobièrnu, partnernan di sektor privá i internashonal, i klaro, nos komunidat komunidat di Kòrsou. E union aki ta e forsa ku ta hasi Kòrsou realmente spesial.
Kòrsou, e isla chikí den Karibe, ku potensial grandi, ta sigui soña grandi, pa logra kosnan grandi, pasobra huntu nos por!
Un Pabien ta bai atrobe na CTB i pabien Kòrsou! Salú pa hopi mas aña di kresementu, inspirashon, i èksito!











