Parlamento ta aprobá plan di reskate ENNIA / Parlement keurt reddingsplan ENNIA goed

Gobièrnu di Kòrsou
Parlamento ta aprobá plan di reskate ENNIA
Publiká riba 13 Òktober 2024
GOBIÈRNU A KONKLUÍ E NEGOSASHONNAN TOKANTE ENNIA ÉKSITOSAMENTE:
PARLAMENTO DI KÒRSOU A APROBÁ E PLAN DI RESKATE DI ENNIA DEN SU TOTALIDAT!
WILLEMSTAD – Dia 11 di aprel 2024, despues di a negoshá kasi un aña riba un akuerdo pa reskate di ENNIA, gobièrnunan di Kòrsou i Sint Maarten, huntu ku Banko Sentral di Kòrsou i Sint Maarten, a firma un akuerdo pa resolushon di e krísis finansiero rondó di ENNIA. Esei tabata i ta nesesario pa evitá un kolèps di nos sistema finansiero i tambe pa evitá e impakto sosial ku esaki lo tin, komo ku un bankarota di ENNIA lo afektá 25.000 asegurado- i penshonadonan aki na Kòrsou i esnan ku ta dependé di nan.
Despues di a yega na un akuerdo, un gobièrnu nobo a sinta na Sint Maarten i a duna di konosé ku e tin un otro bista riba e akuerdo. Esaki inmediatamente a resultá den diferente publikashonnan den media lokal i na Sint Maarten ku a trese duda riba implementashon di e akuerdo di reskate ku a keda firmá dia 11 di aprel 2024, lokual indudablemente a kousa algun intrankilidat bou di e asegurado- i penshonadonan di ENNIA aki na Kòrsou. Sinembargo, Gobièrnu di Kòrsou a duna e aseguradonan di ENNIA i pueblo di Kòrsou públikamente e siguransia ku gobièrnu lo garantisá e derechinan di e asegurado- i penshonadonan di ENNIA, manera palabrá den e akuerdo pa reskate di ENNIA di 11 di aprel 2024. Den e kuadro akí, Gobièrnu a instruí e representantenan apuntá pa Konseho di Minister di Gobièrnu di Kòrsou, Señores Caryl Monte i Miguel Jackson, pa den estrecho kolaborashon ku e ekipo di Banko Sentral di Kòrsou i Sint Maarten sigui hasi tur esfuerso pa evitá kualke impakto negativo riba derechinan di e aseguradonan di Kòrsou.
Dia 18 di sèptèmber último, e representantenan di Gobièrnu di Kòrsou a informá Konseho di Minister ku nan a yega na sierto palabrashonnan adishonal ku representantenan di Gobièrnu di Sint Maarten i esnan di Banko Sentral, riba algun kambio den e akuerdo pa reskate di ENNIA di 11 di aprel 2024 proponé den un “addendum”. Dia 8 di òktober, Staten di Sint Maarten a duna su aprobashon na e akuerdo pa reskate di ENNIA i e “addendum” menshoná ariba. Dia 9 di òktober, sr. Caryl Monte na nòmber di Gobièrnu di Kòrsou a tene un seshon di informashon (“technische briefing”) riba e “addendum” pa miembronan di Parlamento, kaminda tur detaye a wòrdu spliká i preguntanan kontestá. Despues di e seshon splikativo akí, Parlamento di Kòrsou a aprobá e “addendum” di un forma “wall to wall” ku 15 voto pro di tur e miembronan di koalishon i oposishon ku a asistí na e votashon i niun voto kontra.
E mayoria abrumador akí ta resultado di e konklushon di parti di tantu Gobièrnu komo Parlamento ku Kòrsou tin diferente benefisionan grandi pa ENNIA keda eksistí, entre nan un kontribushon di diferente impuestonan na kaha di Gobièrnu di NAf 15 mion pa aña, mantenshon di mas ku 150 kupo di trabou direkto na e kompanianan di ENNIA i tambe e efektonan indirekto ku ENNIA tin riba ekonomia di Kòrsou via di e produkto- i servisionan ku e ta kumpra serka otro kompanianan lokal. Ademas a ser konkluí ku e gastunan adishonal ku ta bini pa kuenta di Kòrsou komo resultado di e “addendum” lo no ta supstansial kompará ku, i lo no afektá, e montante presupuestá ku Kòrsou anualmente lo tin ku kontribuí kuné pa e reskate di ENNIA. Ademas di a yega na reskate di ENNIA, Gobièrnu a logra un porsentahe redusí di 2.9% na lugá di 6.6% riba e fiansanan ku Kòrsou a haña di Hulanda durante e temporada di e pandemia di COVID (2020-2021) den un total di NAf 911 mion. E rebaho akí di 3.7% ta nifiká ku Gobièrnu lo spar alrededor di NAf 400 mion na interes durante un periodo di 20 aña. Pues, un bentaha di mas o ménos NAf 20 mion pa aña durante 20 aña largu.
Esaki klaramente ta un benefisio mas di aprobashon di e akuerdo pa reskate di ENNIA, pasobra e ta baha e peso di NAf 30 mion anual riba presupuesto di Kòrsou pa reskate di ENNIA. Ademas di esaki a sobra tres aktivo grandi den ENNIA ku den e añanan benidero por wòrdu usá pa redusí e impakto riba presupuesto di gobièrnu. Esakinan ta e claim riba Ansary i otronan, e tereno na Mullet Bay na Sint Maarten i e balor di akshonnan di e ENNIA nobo, kual konhuntamente ta representá sufisiente balor pa rekobrá tur òf un gran parti di e medionan ku gobièrnu lo tin ku hinka den e reskate di ENNIA den e próksimo añanan.
Di e manera aki Gabinete Pisas II a yega na un konklushon sumamente satisfaktorio riba e deliberashonnan ku e gobièrnu nobo di Sint Maarten tokante e akuerdo pa reskate di ENNIA i tambe riba e negosiashonnan ku Hulanda tokante refinansiamentu di e fiansanan hasí durante e temporada di COVID (2020 – 2021). Pa kumpli ku e obligashonnan den kuadro di e reskate di ENNIA, tabata di gran importansia pa gobièrnu haña tambe un interes mas abou posibel riba e fiansanan di COVID di kasi 1 bion florin, ya ku Hulanda no kier a duna un eksonerashon pa esakinan. Ámbos meta a keda realisá satisfaktoriamente. Ta p’esei Promé Minister Pisas i Minister di Finansa Silvania ta sumamente orguyoso di e resultado ohochi akí di e dos negosiashonnan ku a wòrdu hibá di forma paralelo ku otro, dor di e mésun tim negoshadó durante un periodo di kasi 1 aña i mei.
Awor tin un akuerdo di reskate efisiente, efektivo i sólido pa e asegurado- i penshonadonan, i tambe e empleadonan di ENNIA. E akuerdo akí ta karga aprobashon di tur e instansianan konserní, esta: Gobièrnu di Kòrsou, Gobièrnu di Sint Maarten, Banko Sentral di Kòrsou i Sint Maarten, Parlamento di Sint Maarten, Parlamento di Kòrsou, Kolegio pa Supervishon Finansiero (Cft) i Gobièrnu di Hulanda. Pueblo di Kòrsou en general, e asegurado- i penshonadonan i empleadonan di ENNIA en partikular por ta kontentu awor ku Gobièrnu di Kòrsou a sa di trese trankilidat bèk den ENNIA i den sektor finansiero, a tuma e medidanan nesesario pa reforsá supervishon di Banko Sentral i tambe a instruí Banko Sentral pa sigui denunsiá na Ministerio Públiko òf persiguí den korte sivil esnan ku a hasi daño na interes di e asegurado- i penshonadonan di ENNIA i nos komunidat.
Finalmente, Gobièrnu ta gradisí presidente i miembronan di Parlamento di Kòrsou, tantu di koalishon i oposishon, inmensamente pa a mira e urgensia di e kaso importante akí i pa e forma diligente ku Parlamento di Kòrsou a tuma desishon riba e “addendum” pa reskate di ENNIA na interes di pais Kòrsou, e 25.000 asegurado i penshonadonan di ENNIA na Kòrsou i tambe e míles di siudadanonan ku ta dependé di nan.
Regering van Curaçao
Parlement keurt reddingsplan ENNIA goed
Geplaatst op 13 10 2024
REGERING HEEFT SUCCESVOL DE ONDERHANDELINGEN ROND ENNIA AFGEROND:
PARLEMENT VAN CURAÇAO HEEFT HET REDDINGSPLAN VOOR ENNIA VOLLEDIG GOEDGEKEURD!
WILLEMSTAD – Op 11 april 2024, na bijna een jaar van onderhandelingen over een akkoord om ENNIA te redden, hebben de regeringen van Curaçao en Sint-Maarten, samen met de Centrale Bank van Curaçao en Sint-Maarten, een akkoord ondertekend om de financiële crisis rondom ENNIA op te lossen. Dit was noodzakelijk om een instorting van ons financiële systeem te voorkomen en om de sociale impact te vermijden, aangezien een faillissement van ENNIA 25.000 verzekerden en gepensioneerden in Curaçao en hun afhankelijken zou treffen.
Nadat het akkoord was bereikt, heeft een nieuwe regering op Sint-Maarten laten weten dat zij een andere kijk heeft op het akkoord. Dit leidde onmiddellijk tot verschillende publicaties in de lokale media en in Sint-Maarten, wat twijfel zaaide over de uitvoering van het reddingsplan dat op 11 april 2024 was ondertekend, wat ongetwijfeld enige onrust veroorzaakte onder de verzekerden en gepensioneerden van ENNIA in Curaçao. Desondanks heeft de regering van Curaçao publiekelijk de verzekerden van ENNIA en het volk van Curaçao de garantie gegeven dat de regering de rechten van de verzekerden en gepensioneerden van ENNIA zal waarborgen, zoals vastgelegd in het reddingsplan van 11 april 2024. In dit kader heeft de regering de aangewezen vertegenwoordigers, de heren Caryl Monte en Miguel Jackson, opdracht gegeven om in nauwe samenwerking met het team van de Centrale Bank van Curaçao en Sint-Maarten alle inspanningen te blijven verrichten om negatieve gevolgen voor de rechten van de verzekerden in Curaçao te voorkomen.
Op 18 september jongstleden informeerden de vertegenwoordigers van de regering van Curaçao de Ministerraad dat er aanvullende afspraken waren gemaakt met de vertegenwoordigers van de regering van Sint-Maarten en die van de Centrale Bank, over enkele wijzigingen in het reddingsplan van 11 april 2024, voorgesteld in een “addendum”. Op 8 oktober gaf het parlement van Sint-Maarten zijn goedkeuring aan het reddingsplan voor ENNIA en het bovengenoemde “addendum”. Op 9 oktober heeft de heer Caryl Monte namens de regering van Curaçao een technische briefing gehouden over het “addendum” voor de leden van het parlement, waarbij alle details werden toegelicht en vragen werden beantwoord. Na deze uitleg besloot het parlement van Curaçao het “addendum” met overweldigende meerderheid goed te keuren: 15 stemmen voor van alle aanwezige coalitie- en oppositieleden en geen enkele stem tegen.
Deze overweldigende meerderheid is het resultaat van de conclusie van zowel de regering als het parlement dat Curaçao veel voordelen heeft bij het voortbestaan van ENNIA, waaronder een bijdrage van verschillende belastingen aan de staatskas van 15 miljoen Nafl. per jaar, het behoud van meer dan 150 directe arbeidsplaatsen bij de bedrijven van ENNIA, en de indirecte effecten die ENNIA heeft op de economie van Curaçao via de producten en diensten die het bedrijf lokaal afneemt. Bovendien werd geconcludeerd dat de extra kosten die Curaçao zal dragen als gevolg van het “addendum” niet substantieel zijn in vergelijking met, en geen invloed zullen hebben op, het jaarlijks begrote bedrag dat Curaçao moet bijdragen aan de redding van ENNIA. Naast het reddingsplan voor ENNIA heeft de regering ook een verlaging van de rentevoet van 2,9% in plaats van 6,6% weten te verkrijgen op de leningen die Curaçao ontving van Nederland tijdens de COVID-pandemie (2020-2021) ter waarde van 911 miljoen Nafl. Deze renteverlaging van 3,7% betekent dat de regering gedurende een periode van 20 jaar ongeveer 400 miljoen Nafl. aan rente bespaart, wat neerkomt op een voordeel van ongeveer 20 miljoen Nafl. per jaar.
Dit is duidelijk een extra voordeel van de goedkeuring van het reddingsplan voor ENNIA, aangezien het de last van 30 miljoen Nafl. per jaar voor het reddingsplan verlaagt. Bovendien blijven er drie belangrijke activa binnen ENNIA over die in de komende jaren kunnen worden gebruikt om de impact op de overheidsbegroting te verminderen. Dit zijn de claim tegen Ansary en anderen, het terrein op Mullet Bay in Sint-Maarten en de waarde van de aandelen van het nieuwe ENNIA, die gezamenlijk voldoende waarde vertegenwoordigen om alle of een groot deel van de middelen terug te winnen die de overheid de komende jaren in de redding van ENNIA zal steken.
Op deze manier heeft het kabinet Pisas II een zeer bevredigende conclusie bereikt in de onderhandelingen met de nieuwe regering van Sint-Maarten over het reddingsakkoord voor ENNIA en ook over de onderhandelingen met Nederland over de herfinanciering van de leningen die tijdens de COVID-periode (2020 – 2021) zijn verstrekt. Om de verplichtingen in het kader van de redding van ENNIA na te komen, was het van groot belang dat de regering ook de laagst mogelijke rente op de COVID-leningen van bijna 1 miljard Nafl. wist te verkrijgen, aangezien Nederland geen kwijtschelding voor deze leningen wilde geven. Beide doelen zijn bevredigend gerealiseerd. Daarom zijn premier Pisas en minister van Financiën Silvania bijzonder trots op het behaalde resultaat van deze twee onderhandelingen die parallel aan elkaar zijn gevoerd door hetzelfde onderhandelingsteam gedurende een periode van bijna anderhalf jaar.
Er is nu een efficiënt, effectief en solide reddingsakkoord voor de verzekerden en gepensioneerden, evenals voor de werknemers van ENNIA. Dit akkoord heeft de goedkeuring van alle betrokken instanties, namelijk: de regering van Curaçao, de regering van Sint-Maarten, de Centrale Bank van Curaçao en Sint-Maarten, het parlement van Sint-Maarten, het parlement van Curaçao, het College financieel toezicht (Cft) en de Nederlandse regering. Het volk van Curaçao in het algemeen, en de verzekerden, gepensioneerden en werknemers van ENNIA in het bijzonder, kunnen nu gerust zijn dat de regering van Curaçao erin is geslaagd rust terug te brengen in ENNIA en in de financiële sector. De regering heeft de noodzakelijke maatregelen genomen om het toezicht van de Centrale Bank te versterken en de Centrale Bank tevens geïnstrueerd om door te gaan met aangifte doen bij het Openbaar Ministerie, of civiele procedures te starten tegen degenen die schade hebben toegebracht aan de belangen van de verzekerden en gepensioneerden van ENNIA en onze gemeenschap.
Tot slot bedankt de regering de voorzitter en de leden van het parlement van Curaçao, zowel van de coalitie als de oppositie, enorm voor het inzien van de urgentie van deze belangrijke kwestie en voor de zorgvuldige manier waarop het parlement van Curaçao het besluit over het “addendum” voor de redding van ENNIA heeft genomen in het belang van Curaçao, de 25.000 verzekerden en gepensioneerden van ENNIA in Curaçao en ook de duizenden burgers die van hen afhankelijk zijn.


