Tres detenshon i konfikashon di un arma di kandela

KOMUNIKADO DI PRENSA 447/2024
18 òktober 2024
Tres detenshon i konfikashon di un arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di ladronisia di bùmper, un suidadano a rekonosé su bùmper ku ta
prosedente di ladronisia na benta, riba media sosial.
Djaweps 17 di òktober 2024 alrededor di 15.30’or, e tim ku ta investigá ladronisia di
vehíkulo a akudí na e sitio huntu ku e víktima kaminda e sospechosonan tabata bende su
bùmper.
Na e sitio polis a hasi detenshon di e hòmber:
N.A.D. di 20 aña di edat,
J.Z.C. di 19 aña di edat,
L.J.N.M.P. di 20 aña di edat tur tres nasé na Kòrsou, enkonekshon ku e ladronisia
ariba menshoná.
Detenshon di e hòmbernan akí a tuma lugá na altura di un muebleria na Veeris.
Despues di e detenshon a tene un kontròl den nan vehíkulo i a haña i konfiská un arma di
kandela, e bùmper i tambe a konfiská e vehíkulo pa mas investigashon.
E reshèrshinan konhuntamente ku UST a tene entrada hudisial na tres adrès ku ta keda den
Marconistraat, Yukonweg i Sans Souci.
Durante di e entrada hudisial a haña i konfiská un yas, bivak mùts, piesa di outo i telefòn ku
ta di importansia pa e investigashon.
A presentá e sospechosonan dilanti un fiskal ouksiliar ku a ordená nan enkarselamentu
pendiente mas investigashon.
