KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa violashon di lei di arma di kandela

 

KOMUNIKADO DI PRENSA 452/2024
20 òktober 2024

Detenshon pa violashon di lei di arma di kandela

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 19 di òktober 2024 alrededor di 22.45’or, Sentral di Polis a dirigí un unidat di
warda di polis di Punda, pa un adrès na Steenrijkplein, pa un persona ku ta den posishon
ilegal di arma di kandela.
Na e plenchi, un dama a para e unidat i indiká a base di pruebanan ku e tabatin, ku un
hòmber den e besindario ta den posishon ilegal di un arma di kandela.
Un ratu promé e tabatin diskushon ku algun persona den e alrededor i e arma aki tabata
visibel.
Polis inmediatamente a bai na kas di e sospechoso i a dun’é di konosé ku tin pruebanan ku
e ta den posishon di un arma di kandela.
Seguidamente e hòmber aki a bai den su kurá di kas patras kompañá pa e agentenan i einan
el a entregá na polis un saku di plèstik den kua tabatin un revòlver konteniendo tres bala
skèrpi.
Relashoná ku violashon di e lei di arma di kandela, polis a detené e hòmber R.T.I. di 71 aña
di edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

639114718427035"
639114718427035"