Estreno Carnival Group Ta Lansa Trahe Espektakular pa Karnaval 2025
Estreno Carnival Group Ta Lansa Trahe Espektakular pa Karnaval 2025
Willemstad, Kòrsou – 20 di òktober 2024 – Estreno Carnival Group a ranka sali ofisialmente pa Karnaval 2025 ku un gran presentashon di trahe kual a tuma luga 20 di òktober na Capital C. E evento tan sperá a mustra e trahe espektakular i kreativo ku lo forma parti di e parada di otro aña, ku e tema “Into the Wild” kaminda nan ta trese e energia di un selva mágiko na bida.
E tema di 2025 ta konta e historia di e Dinastía di Estreno, un selva místiko yená di bida vibrante i un kultura riku. Estreno lo tin tres tribu prinsipal, kada un ta representa diferente parti di naturalesa:
Tribu Vida (Estreno Mas Pikete) ta representa e alegría i harmonia di naturalesa. Nan disfrasnan kolorido, dekorá ku pluma i flor, ta reflehá e bunitesa di selva i su energia vibrante, selebrando bida ku samba inspirá pa naturalesa.
Tribu Maya (Estreno Yen Pikete) ta representá forsa i resiliensia, inspirá pa e kaskadanan mistiko di awa. Nan baile nan i nan disfrasnan atreví ta resaltá nan rol komo gardianan di naturalesa.
Royal Pikete (Valora) ta representá sabiduria i tradishon, rindiendo honor na e legendario nan di selva. Nan presentashon elegante i nan disfrasnan detayá ta mustra e konekshon profundo entre pasádo i presente, selebrando importansia di herensia.
Huntu, e tres tribu nan ta krea un selebrashon di bida, union, i e laso entre hende i naturalesa. “Into the WIld” lo trese huntu tradishonnan mundial dor di baile, muzik i disfrasnan espektakular, garantisando ku Karnaval 2025 lo ta un selebrashon pa no lubidá.
Aparte di e trahenan, Estreno a anunsiá ku Raey i su live band lo uni forsa huntu ku nan banda di kas, One FLAVAZ, pa duna mas energia na e selebrashon. E Area Urbano lo tin MC Chris Strick, DJ Krokzz, DJ Fab, DJ Menasa i DJ Carlito. Adishonalmente manera ta kustumber por spera bandanan manera LOG Legends of the Game i Era.
Estreno Carnival Group a introdusí pa prome biaha un grupo di Karnaval pa mucha tambe, ku ta karga e nomber Estrenitos. Ku esaki Estreno Carnival Group ta duna e generashon nobo un oportunidat pa forma parti di e selebrashon vibrante i tambe engrandese e marcha hubenil.
Ku su meskla di kultura, muzik i kreatividat, Estreno Carnival Group ta kla pa hasi Karnaval 2025 un eksperensia inolvidabel.
Pa mas informashon i aktualidatnan, bishita e kanalnan di Estreno Carnival Group riba sosial media.
Informashon di kontakto:
Estreno Carnival Group
Telefon: +5999520 8740
Email: estrenocarnivalgroup@gmail.com
































































































