KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Petishon pa dirigí pregunta na Minister drs. Javier Silvania.

 

 

 

Presidente di Parlamento di Kòrsou

Señora Ch. America-Francisca

Wilhelminaplein # 4

PRESENTE

 

Willemstad, 29 di òktober 2025

 

Tópiko: Petishon pa dirigí pregunta na Minister drs. Javier Silvania.

 

Apresiabel señora America-Francisca,

 

Pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di Salubridat Públiko, Medio Ambiente i Naturalesa señor drs. Javier Silvania.

 

Danki pa e koperashon.

 

Atentamente,

 

 

 

Juniël R Carolina

Parlamentario pa

frakshon di MFK

 

Minister di Salubridat Públiko, Medio Ambiente i Naturalesa

Señor drs. Javier Silvania
PRESENTE

 

Kòrsou, 29 di òktober 2024

 

Tópiko: Maneho general di limpiesa i di shushi na Kòrsou.

 

Apresiabel Minister Silvania,

 

Na promé lugá na nòmber di pueblo di Kòrsou mi ta felisitá ministernan Pisas i Silvania pa ku e plan pa ban limpia Kòrsou Di bo Pa bo i Ku bo dor di ubika bakinan di shushi den diferente regionnan na Kòrsou i tambe pa e echo ku a prolongá landfill grátis te ku desèmber 2025  kaminda tur hende por sigui depositá nan shushi i artefaktonan den bakinan ubika pa ministerio di GMN i tambe na landfill Malpais i no den mondi o na sitio no apropiá. Pa ku e akshonnan menshoná ya tin bastante remarkenan positivo ku ta sali for di e mayoria di e komunidat, ku porfin Kòrsou a haña un Gobièrnu ku ta papia di shushi, akshon kontra shushi i ban kuminsá duna shushi balor.

 

Banda di tur e bon inisiativa i e akshonnan desplegá dor di  gobièrnu di Kòrsou i ministerio di GMN pa ban limpia Kòrsou, abitantenan di e diferente barionan na Kòrsou ta reklamá, ku ya tin bastante dia ku tin shushinan gròf ubika den barionan i tin kayanan ku ta Selikor NV mester limpia ku ta hopi shushi i ramanan ku ta hinka tráfiko den peliger .

 

Konsiderá ku e akshonnan di limpiesa pa ban limpia Kòrsou ta den kuadro di desaroyando sostenibel i pais Kòrsou mester yega na maneho di shushi duradero i a base di e remarkenan ariba den karta menshoná i a base artíkulo 96 di reglamento di Órden, mi persona Juniel Reinaldo Carolina komo miembro di parlamento pa frakshon di MFK ta aserka bo persona komo minister di Salubridat Medio Ambiente i Naturalesa ku e siguiente preguntanan;

 

  • Minister por informá parlamento ku ta bèrdat un kantidat di mas o ménos 2 mion kilo di shushi a wòrdu depositá durante ku minister a laga habri landfill grátis den e promé 2 lunanan ?
  • Minister por informá parlamento ku ta bèrdat ku minister a prologá pa landfill keda habri grátis te ku desèmber 2025 ?
  • Minister por informá parlamento, ku ta bèrdat ta e intenshon pa kita afvalstof heffing pa

definitivamente landfill keda habri grátis pa tur hende ?

  • Minister por informá parlamento, ku ta bèrdat ku gobièrnu Gabinete Pisas 2 a kuminsá pone 500 mil nag pa Selikor NV por kubri gastunan operashonal di landfill Malpais ?
  • Minister por informá parlamento, ta ken su responsabilidat pa rekohé shushinan gròf den

barionan di Kòrsou ?

  • Minister por informá parlamento, ta ken su responsabilidat pa limpia sitionan kaminda tin

shushinan di dùmp o depositá na sitionan no apropiá ?

  • Minister por informá parlamento ta ken ta responsabel pa ku limpiamentu di vianan ku tin hopi vegetashon i ramanan di palu ku ta krese i hinka tráfiko i peaton den peliger ?
  • Minister por informá parlamento konta para ku e plan di resiklahe di shushi ( 0 – waste Management ) ku Selikor NV mester implementá, konsiderá ku landfill Malpais ta serka di yena ?
  • Minister por informá parlamento, konta ku e plan di implementashon di resiklahe menshoná di Selikor NV ?
  • Minister por informá parlamento, ku ta bèrdat ku Selikor NV ta bai implementá e plan di resiklahe den aña 2025 ?
  • Minister por informá parlamento, kiko a pasa ku e Fòrnu ku ta deshasí di shushinan médiko/laboratorio ku esaki ta fuera di funshon ?
  • Minister por informá parlamento ku e Fòrnu ku durante ku e ta den operashon ku esaki ta kumpli ku Lei nobo di Kalidat di Airu ?
  • Minister por informá parlamento ku ta bèrdat ku Selikor NV ta ningando shushinan di laboratorio i médikonan debí ku Selikor NV no tin espasio i e forma adekuá pa atendé i eliminá shushinan médiko / laboratorio ?
  • Minister por informá parlamento ku ta bèrdat ku si no eliminá e shushinan médiko /laboratorio na un forma responsabel dor di dera esakinan bou di tera ku esaki ta posibel pa patogenonan bibu por sigui oumentá i ku ta malu pa nos medio ambiente i naturalesa i tambe malu pa nos salu ?

 

Sperando riba e kontesta a base e término di akuerdo entre Gobièrnu i Parlamento mi ta despedí ku un saludo kordial.

 

Atentamente,

 

 

 

Juniël R Carolina

Parlamentario pa

frakshon di MFK

 

 

 

 

 

 

 

 

 

 

639114718427035"
639114718427035"