Progreso di investigashon di kandidat-minister den kuadro di lei di integridat
Asuntunan General i Promé Minister
Progreso di investigashon di kandidat-minister den kuadro di lei di integridat
Publiká riba 01 Novèmber 2024
WILLEMSTAD – Desde ku a kambia e konstelashon di Gabinete Pisas II, a akordá ku e puesto di Minister di Desaroyo Ekonómiko (EO) i di Minister di Desaroyo Sosial, Labor i Bienestar (SOAW) lo ta okupá pa kandidatonan presentá pa e miembro independiente di Parlamento, sra. Z. Jesus-Leito, i pa partido Kòrsou Esun Mihó (KEM).
Di akuerdo ku e Lei di Integridat di (kandidato pa bira) Minister, Promé Minister, komo formador di gabinete, ta enkargá ku e investigashon ku lo mester kondusí na un proposishon pa ku nombramentu di e ministernan nobo, di forma ku por remplasá e ministernan interino ku akutalmente ta dirigí e dos ministerionan ariba menshoná.
Promé Minister/Formador di gabinete a hasi petishon na diferente servisio involukrá pa realisá e investigashonnan preskribí den kuadro di e lei pa loke ta trata e kandidatonan proponé pa e puestonan di minister vakante. E resultadonan di e investigashon lo ser informá na Promé Minister/Formador di gabinete i na Gobernador. Promé Minister/Formador di gabinete no lo promové òf presentá un kandidato komo minister, si resultado di e investigashon no ta kuadra ku e kriterianan.
E investigashonnan den e kuadro di e ministernan kandidato ainda no a kaba. Ora ku finalisá e investigashonnan rekerí, Promé Minister/Formador di gabinete lo evaluá si e kandidatonan proponé ta kumpli ku e kriterianan i si por presentá nan na Gobernador pa keda nombrá komo minister.
Resultado di e investigashon, kontenido di e diálogonan i korespondensia entre Promé Minister i e kandidatonan ta konfidensial. Fuera di e Gobernador, Promé Minister no lo duna informashon na otro partido tokante kontenido di e prosedimentu.
Algemene Zaken en Minister President
Voortgang onderzoek kandidaat-ministers in het kader van integriteitsverordening
Geplaatst op 01 11 2024
WILLEMSTAD – Sinds de wijziging van de constellatie van Kabinet Pisas II is afgesproken dat de ministerposten van Minister van Economische Ontwikkeling (EO) en Minister van Sociale Ontwikkeling, Arbeid en Welzijn (SOAW) bekleedt zullen worden door kandidaten di door de onafhankelijke Statenlid, mevr. Z. Jesus-Leito, en door partij Kòrsou Esun Mihó (KEM) voorgedragen zullen worden.
Conform de Landsverordening integriteit (kandidaat-) ministers, is de minister-president als kabinetsformateur belast met het onderzoek dat dient te leiden tot de voordracht tot benoeming van de ministers nu er sprake is van een tussentijdse vervanging van ministers.
De minister-president/kabinetsformateur heeft het verzoek gedaan aan betrokken diensten tot uitvoering van de voorgeschreven onderzoeken in het kader van de Landsverordening ten aanzien van de voorgestelde kandidaten voor de vacante ministerposten. De uitkomsten van die onderzoeken worden aan de minister-president/kabinetsformateur en aan de Gouverneur medegedeeld. De minister-president/kabinetsformateur zal geen voordracht tot benoeming van een kandidaat-minister doen of bevorderen indien de voordracht zich niet verdraagt met de uitkomst van de voorgeschreven onderzoeken.
De onderzoeken die in dit kader dienen plaats te vinden naar de kandidaat-ministers zijn momenteel nog niet afgerond. Na afronding van de voorgeschreven onderzoeken zal de minister-president/kabinetsformateur bezien of de beoogde voordrachten van de kandidaat-ministers in het licht van de uitkomsten van de onderzoeken kunnen worden voorgelegd aan de Gouverneur met het oog op benoeming tot minister.
Het resultaat van de onderzoeken, de inhoud van gesprekken en de correspondentie tussen minister-president en de kandidaat, zijn vertrouwelijk. Over de inhoud hiervan worden door de minister-president behalve aan de Gouverneur, geen mededelingen gedaan.