KOMUNIKADO DI PRENSA KUERPO POLISIAL KÒRSOU

483/2024

15 novèmber 2024

Insidente ku morto

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 15 di novèmber 2024 alrededor di 02.22’or Sentral di Polis a risibí informashon di
un insidente ku a tuma lugá na Blue Bay.
Na e adrès, un dama a deklará na polis ku e ku un familiar di dje a kaba di yega kas i na
momentu ku el a baha for di outo, esaki a kuminsá bèk, kibra parti di e kurá, krusa kaya i
kibra un pilá di seguridat.
Seguidamente e outo den kua e familiar di e dama tabata sintá komo shofùr a kai for di e
altura i bai resultá den laman.
Brantwer a yega na e sitio, pero debí na e situashon i barankanan ku tabatin, no por a
kuminsá ku e operashonnan for di tera.
Wardakosta a keda avisá i via di laman a yega na e outo ku tabata bou di awa i den kua
ainda e víktima tabata.
Ku yudansa di algun bushi a logra di saka e víktima for di awa pa despues ku boto di
Wardakosta transport’é pa nan base na Parera, na unda dòkter di polis a konstatá morto di
e hòmber.
Riba òrdu di fiskal di Ministerio Públiko a konfiská e kurpa.
Departamentu di rèshershi ta kontinuá ku e investigashon.