Green & Clean sosteniendo hóbennan di JJIC ku resiklahe

Pa yuda kombatí e sushedat na Kòrsou hóbennan di JJIC ( ántes GOG) tambe a pone man na obra.

Den JJIC i tambe den nan mes bario  e hóbennan ta kolektando artíkulonan di plèstik I aluminio pa pone den e barínan apropiá di Green & Clean Curacao Foundation (GCCN).

Green & Clean Curacao Foundation ku resientemente a risibí un rekonosimentu pa nan aporte durante World Clean Up Day 2024 tabata kla pará pa duna un aporte den e akshon di limpiesa aki di JJIC.  Green & Clean  ta ofresé JJIC  un kònteiner pa plèstik i un kònteiner pa aluminio. E kontenido ta wòrdu rekohé semanal.

Awor huntu nos ta boga pa tur hende ban partisipá den “Refuse-Reduce-Reuse-Recycle” i asina yega na un Kòrsou primeramente mas limpi, pero tambe kaminda nos ta manehá muchu mas konsiente e shushi riba nos isla.

Di e manera aki ta konsientisá nos hóbennan pa tene Kòrsou limpi i tambe pakiko – pa un mihó medio ambiente i kuido di nos flora i founa i tambe di nos oséano – nos mester tene nos País limpi.

Huntu nos ta logra tene Kòrsou limpi awor i den futuro.