Minster Shalten Hato [EFEKTIVIDAT PERSONAL]
Minster Shalten Hato
[EFEKTIVIDAT PERSONAL]
Awe nos a kuminsá ku e Training di Efektividat Personal! 💪
Ku 31 funshonario motivá di diferente ministerio i departamentu, e promé grupo a eksperensia e “kick off” di e training awe mainta. E training aki, ku lo ta pa 7 grupo, ta duna total di 184 partisipante e oportunidat pa partisipá.
E programa ta komprendé parti manera:
📌 Konosementu di bo punto fuerte
📌 Komprondé bo tempu i prioridat
📌 Komunikashon ku ta berdaderamente funshoná
📌 Kon pa manehá strès
📌 Transformá bo soñonan den meta konkreto
📌 Trabou di grupo ku impakto
E programa aki, ku ta parti di e Programa di Kapasitashon na Nivel Gubernamental (OOP), lo finalisá na yanüari 2025 ku un dia di inspirashon pa reflehá i bai mas profundo den tur kos. The Government Academy i SOAB LearningLab ta kontentu pa por kontribuí via e kaminda aki na e kresementu personal i profeshonal di tur funshonario.
Un shout-out pa e trainer fantástiko, señora Nancy Winklar-Abendanon (Intention 2 Impact), pa su training inspirante awe. Nos no por warda pa mira e energia i e kontenidonan di e próksimo gruponan!




