Kambio temporal di lokalidat pa seremonianan matrimonial.

Kambio temporal di lokalidat pa seremonianan matrimonial.

Willemstad – Asuntunan Públiko, konosí den nos komunidat komo “Kranshi” ta informá ku entrante djaluna, 23 di dezèmber 2024, tur seremonia pa drenta enlase matrimonial ta tuma lugá na Sala Rudy na Kurá Hulanda Otrobanda.

Relashoná ku trabounan di renobashon na e sala grandi destiná pa seremonia di enlase matrimonial, “Kranshi” ta partisipá ku no por tene e seremonianan solèm aki durante e dianan 23 di dezèmber awor te ku medio febrüari 2025. E seremonianan durante e periodo menshoná ta keda selebrá na Kurá Hulanda Conference Center (Otrobanda) den e bunita salon ku yama Sala Rudy. E sala aki ta esun ku bunita bista pa bahía Sta. Anna. Asuntunan Públiko di e ministerio di Maneho di Gobernashon, Planifikashon i Servisio Públiko ta keda hasi su máksimo esfuerso pa sirbi nos pueblo mas mihó posibel.

Despues di e renobashon e sala matrimonial akostumbrá na Otrobanda lo ta disponibel den mihó kondishon pa selebrá seremonianan digno di kasamentu.