KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Proyekto Kita Tur

 

KUERPO POLISIAL KÒRSOU

KOMUNIKADO DI PRENSA

20 desèmber 2024

Proyekto Kita Tur

528/2024

Ku e meta pa halsa seguridat den tráfiko riba kamindanan públiko i tambe pa minimalisá
kasonan di aksidente kaminda ku e víktimanan ta keda desampará pa motibu di
vehíkulonan ku ta okashoná aksidente di tráfiko i no ta disponé di un seguro bálido , Kuerpo
Polisial di Kòrsou lo bai intensivá kontròlnan den tráfiko.
Lo duna proses verbal ora enkontrá vehíkulonan ku no tin seguro of karchi di kùr bálido.
Ademas lo kita e vehíkulonan sin dokumento bálido of ku téknikamente por forma un
peliger den tráfiko. E vehíkulo lo wordu transportá pa e tereno na Mahuma riba gastu i
rísiko di e shofùr/doño. Por haña e vehíkulo bek despues ku a drecha e dokumentu(nan) i
tambe paga gastunan di transporte (fl. 150,00) i e dianan ku e vehíkulo a keda riba e tereno
(fl. 35,00 pa dia). Pago por ser hasi por lo pronto solamente via Sistema di swipe.
Si e vehíkulo tin ku bai kùr, e doño mester tra un sita ku polis i buska un kran pa bai kùr e
vehíkulo i trese bek na e tereno bou di guia di polis. Si e seguro ta na ordu i e vehíkulo a kùr
bon, e doño por kontinuá kune despues di a paga e suma di kran i tambe e kantidat di
dianan ku e vehíkulo a keda riba e tereno.
Den kaso ku mester hasi un reparashon chiki na e vehíkulo prome ku e bai kùr (kambia
pera, tayer of drecha waiper ets.) mester traha un sita ku polis. Por saka e vehíkulonan
unikamente di djaluna pa djabièrnè entre 09.00’or i 15.00’or. Na momentu ku bin paga pa
saka e vehíkulo mester presentá ku dokumentonan bálido di e vehíkulo, komprobante ku a
kita e vehíkulo i tambe un identifikashon bálido.
Si e vehíkulo no wòrdu saka dentro di 30 dia e shofùr/doño lo risibí un ‘aanmaning’ i
despues un ‘dwangbevel’ di un ‘deurwaarder’ di kual e gastunan lo ta pa kuenta di e
shofùr/doño.
Personal di tereno ta ubiká den kantor prinsipal di polis na Winston Churchillweg i ta
alkansabel via email: http://www.kitatur@polis.cw, telefon 674-0045 i tambe
whatsapp:+59996740045.

639114718427035"
639114718427035"