Fenómeno nobo di froude di identidat riba medianan sosial

KUERPO POLISIAL KÒRSOU
KOMUNIKADO DI PRENSA
24 desèmber 2024
Fenómeno nobo di froude di identidat riba medianan sosial
531/2024
Kuerpo Polisial a tuma nota di un fenómeno nobo ku ta wòrdu usá riba medianan sosial i
spesifikamente riba face book kaminda e malechor(nan) ta usa identidat di personanan
konosí den komunidat sin nan pèrmit hasiendo uso di publikashonan engañoso.
Resientemente un parlamentario i tambe un èks representante di Hulanda na Kòrsou a bira
víktima di e práktika aki.
E práktika aki ta konsisti di lo siguente. E malechor(nan) hasiendo uso di e (website
https://archiwtects.pro of e link Pro designy.world) ta pretendé dor di usa sitashonan
engañoso ku e persona, di kua nan ta usa un potrèt di un entrevista ku a wòrdu sostené
kune den pasado, lo ta bisa ku e tin e formula pa bira riku rápidamente. Despues di esaki e
malechor(nan) ta pone un publikashon engañoso di e entrevista ku e persona kaminda ta
wòrdu referí na e plataforma fraudulento ‘Invexium Prestige’. E meta ta pa laga parse ku no
tin nada malu ku e website/link ni e invershon dor ku personanan konosí ta hasi uso di dje i
ta gana hopi plaka ku nan invershon.
E personanan ariba menshoná ya a hasi denunsia di e fenomeno aki i esakinan ta wòrdu
investigá dor di polis. Un supliká ta bai na otro personanan ku tambe a bira víktima di e
praktika aki, pa hasi denunsia na polis.
Kuerpo Polisial di Kòrsou kier alertá tur persona ku enkontrá riba retnan sosial ku e
fenómeno aki pa no habri e link i sigur no depositá sèn riba dje pabo no bira víktima di un
invershon froudulento.
