Skema adaptá pa fin di siman binidero

Manera informá anteriormente, Selikor ta adaptá e skema durante e siman akí pa rekohé shushi di kas en konekshon ku dianan di fiesta.
Pa awe djabièrnè e personal a sali pa rekohé ruta normal di djabièrnè i alabes lo bai den algun bario di e ruta di djamars ku ainda no a konkluí.
Mañan djasabra 28 di desèmber lo rekohé e ruta di djarason. Pa djadumingu, 29 di desèmber lo rekohé e ruta di djaweps. Manera ta kustumber Selikor ta pidi tur habitante di e barionan konserní, pa pone kònteiner trempan pafó di kurá komo ku Selikor su trùknan ta kuminsá pasa for di 6or di mainta.
Selikor ta pidi habitantenan pa tene bon kuenta ku e skema adaptá i ta pidi diskulpa pa eventual inkonbeniensia ku e kambionan aki por a surgi.
