KOMUNIKADO DI PRENSA

539/2024

29 desèmber 2024

FIN DI AÑA SIN ZANZAÑA

Kontròlnan relashoná ku akshon ‘Fin di aña sin zanzaña’

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Den oranan di mardugá di djasabra 28 di desèmber 2024 i djadumingu 29 di desèmber
2024 tabatin kontròlnan enkonekshon ku e proyecto ‘Fin di aña sin Zanzaña’. E kontròlnan
aki ta dirigí riba poseshon ilegal di arma, droga i tambe riba violashon di leinan di tráfiko.
Durante di un kontròl den área di Saliña un shofùr a mira presensia di polis i a subi velosidat
di su vehíkulo i kore bai.
A surgí un persekushon kaminda polis a duna e shofùr señal pa e para su vehíkulo pero
esaki no a hasi kaso na e òrdu di polis i a sigui kore ku un velosidat haltu bai. Riba
Grebbelinieweg na altura di e krusadá Panaramaweg e vehíkulo aki a bin aksidentá kontra
muraya di un skòl.
Den e vehíkulo aki tabatin tres persona. E vehíkulo, ku no tabatin niun dokumento bálido,
tabata wordu maneha pa un hoben C.J.D.K di 16 aña di edat. Durante un kòntrol den e
vehíkulo a bin enkontra ku un arma “Airsoft”. Tantu e arma komo e vehíkulo a wòrdu
konfiská. Tur e tres sospechosonan a wordu detene. Ta trata aki di e hombernan R.R.J.S.B
di 16 aña di edat, C.J.D.K di 16 aña di edat i R.P.A.Z. di 33 aña di edat tur nase na Kòrsou.
A presentá e sospechosonan dilanti di un fiskal ouksiliar pendiente di mas investigashon.
Den próksimo dianan lo bai intensivá e kontròlnan aki. Un apelashon ta bai na komunidat
pa demostrá un bon komportashon pa asina nos tur por tin un final i kuminsamentu di aña
sin nada di lamentá.